SUPERBALITA CEBU

Mandaue mukiha sa medical waste hauler

KAGAMHANAN sa dakbayan sa Mandaue ang mopasaka og kaso batok sa Davao City Environmental Care Inc. kini human nga nipagawas sila og Cease

and Desist Order (CDO) batok niini niadtong Byernes (Enero 11).

Matud sa pangulo sa Mandaue City Environment and Natural Resources Office (CENRO), Architect Araceli Barlam nga karong semanaha i-rekomendar nila sa Mandaue City Legal Office ang pagpasaka sa kaso.

Mga kaso sa kalapasan sa pipila ka probisyon sa Philippine Clean Water Act sa Republic Act 6969 ug kalapasan sa R.A. 9003 sa ecological solid waste management, ang gikatakda nga ipasaka.

Kahinumduman nga niadtong byernes, gituyo sa taga CENRO ang pasilidad sa DCECI, nga nahimutang padung sa gipasirad-an na nga Umapad dumpsite, diha sa barangay Umapad dakbayan sa Mandaue, diin daan na nga gitug-an ni Barlam nga aduna gyud silay nakita nga mga kalapasan.

Sama nalang sa paglapas niini sa City Ordinance #14-2017-1221 (implementing stiffer penalties and fines for solid or liquid waste management and disposal and for other purposes), diha sa Section C, nga mao ang paglabay sa basura gawas sa giuyunan sa balaud nga pasilidad.

Laing nalapas mao ang sa Section E, sa City ordinance nga mao ang pag- kolekta ug pagbyahe sa solid, liquid, hazardous/infectious nga basura nga way Environmental Transport permit nga gi-isyu sa City mayor.

Sa Section I “Spilling of waste, refuse or garbage, whether solid or liquid human and excreta, and offensive and obnoxious matters in any vacant lot, yards, roads,

streets, sidewalks, roadside canals, rivers, creeks, underground drainage system and other public places,”.

Sa R.A. 9003, matud sa Cenro, nalapas sa DCECI ang Par. 13 sa section 48, prohibited Acts “Transport and dumplog in bulk of collected domestic, industrial,

commercial, and institutional wastes in areas other than centers or facilities prescribe under this Act”.

Gawas nga nipagawas ug nipadala og CDO , nipada sa dugang notice of violation ug nimandu usab ang CENRO sa DCECI sa pagpalimpyo sa mga

yellow plastic ug hospital waste, ilabi na sa atbang niini nga anaa kilid sa sapa.

Apan giingon nga wa’ dawata, hinungdan nga Lunes (Enero 14) nipada sila og laing notisya pagmandu kanila nga limpyuhan angilang tugkaran u gang kilid sa

butuanon river sa mga nagpasad nga yellow plastic ug mga hospital waste.

“Pag-Saturday when we gave the additional notice of violation, they refuse to receive our second notice so we posted it sa ilang fence saestablidhment and ordered

them to clean, but refused, kay catching the waste will be an admission of guilt daw, so the office now is force to put the order into writing,” saysay ni Barlam.

Malimpyuhan or dili sa DCECI, giklaro ni Barlam nga pasakaan gyud gihapon nila kini og kaso.

Tungod sa gi-isyu nga CDO, dili na gyud una maka-operate ang DCECI, matud ni Barlam nga anaa na sa mga hospital nga gialagaran niini ang pagpangita og paagi sa pagkakaron kon unsaon mahipos ang ilang mga hospital waste.

Samtang si Dr. Edna Seno ang nitug-an nga nimando na siya sa ilang mga health workers sa barangay Umapad ug sa Paknaan sa pagsusi sa lugar, ilabi na sa

nahimutangan sa mga residente nga nireklamo sa baho sa aso kon adunay gihimo nga pagsunog atol sa kagabhion sa giingong mga hospital waste.

Ug ang pag-awhag sa mga manguykuyay ug sa mga bata nga managdula sa dapit sa dili gyud paghikap ug pagpanghilabot sa maong mga hospital waste kay posible unya magdala kini og grabeng sakit ngadto kanila.

Giangkon sa doktora nga posible gyud nga maoy hinungdan sa respiratory illness, kon mga sakit sama sa ubo ug uban pa ang maong grabengkabaho.

Hinungdan nga tambag niya sa mga residente sa maong lugar sa pagsul-ot una og mga mask ilabi na kon mosugod na usab pag-alisngaw sa kabaho. Nagplano usab ang City health sa posibleng pag-distribute og mga mask.

“Di mana madali og identify nohh, so we are also conducting an investigation whether there had been people or scavengers have contact of such garbage, or didto

sa may river side, that we will still have to gather, ang data ana amo sa i-collate,” dugang ni Dr. Edna Seno ang Mandaue City Health Officer.

Samtang ang Mandaue Cenro ang mopatawag pa karong’ semanaha sa mga hospital nga anaa sa opisyal nga listahan nga gipadala sa Lapu-Lapu CENRO nga maoy posibleng’ gigikanan sa mga basura nga nidagsa sa kabaybayunan sa syudad sa Lapu-Lapu.

Isip pagsugod usab sa pakususi pagtabang pagsulbad sa problema sa Lapu-Lapu City.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph