Pakisusi padayon gihimo sa kapulisan

CEBU. Padayon nga giimbestigar sa pulis ang motibo sa pagpatay sa usa ka masyador sa Mandaue. (Contributed photo)
CEBU. Padayon nga giimbestigar sa pulis ang motibo sa pagpatay sa usa ka masyador sa Mandaue. (Contributed photo)

PADAYON ang gihimo nga pakisusi sa kapulisan sa Dakbayan sa Mandaue sa laing pagpamusil patay sa usa ka masyador sa buwangan.

Nahitabo kini niadtong alas 10:40 Sabado sa gabii, sa D.O. Building, sa da’n H. Cortes, barangay Banilad syudad sa Mandaue.

Laing usa ka tawo ang samdan usab sa giingong’ saag nga bala atol sa pagpamusil.

Ang namatay magulang sa usa ka magsisibya sa radyo sa Sugbo. Giila ang biktima nga si Crispulo Adlawan Jr. 45 anyos, taga sitio Orel, barangay Banilad, dakbayan sa Mandaue.

Si Adlawan ang giila nga masyador sa sabungan diha ra usab sa barangay Banilad, Mandaue City Patay diha-diha dayon si Adlawan human kini nakaangkon ug tulo ka mga samad pinusilan sa iyang lawas.

Samtang daling’ gidala sa tambalanan ang usa ka tricycle drivernga giilang’ si Fernando Uy, 54 anyos, minyo, taga Tipolo, Mandaue City.

Base sa pakisusi sa kapulisan nga nagtan-aw ang duha ka biktima sa mga nanagdula og billiard sa dihang’ kalit lang duha ka mga lalaki nga naka-motorsiklo ang kalit nihunong sa lugar, ang back ride niini ang dali nga nikanaug, dayon pusil kang Adlawan sa makadaghang’ higayon.

Si Uy nga duol ra kang Adlawan ang naigo sa saag nga bala sa iyang lubot, dali kini nga gidala sa tambalanan, ug nagpaalim na lang karon.

Na-recover sa kapulisan ang usa lang ka bala sa wa pa matino nga armas.

Gitan-aw pa karon sa kapulisan, kon posible ba nga aduna kini nahimo nga kontra diha sa pagkamasyador sa sabungan.

Apan ang pamilya sa biktima ang way mahunahunaan nga nasuko sa biktima, kay gihulagway nila kini nga hinamigo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph