NIADTONG Disyembre 7, 2018 mga alas 9:00 sa buntag, nagtimaan sa ikaduhang tuig kon diin ang grupo sa mga Hapones gikan sa Happy Shoes nahiabot sa Pilipinas aron nga bisitahan ang Datu Lompipi Elementary School.

Ang nag-unang tumong sa pagbisita mao ang pag-apud-apod og mga sapatos nga nagsugod niadtong 2017 sa samang tunghaan. Apan ning higayona, duha pa ka mga tulunghaan ang nalakip nga mao ang Panipasan ug Sto. Niño Elementary Schools isip maoy modawat sa “gift giving.”

Ang hut-ong nagpadako sab pinaagi sa paglakip sa Kariya Lions Club sa Nagoya kinsa maoy naghatag og pundo alang sa konstraksiyon sa usa ka lawak-saringan sa Datu Lompipi sayo ning tuiga ug bag-ong panag-uban nga mao ang mga mosunod: Aichi TV, Aeon Mall Aratamabashi Mozo Wonder City, Gifu Shiyakushomae, The Earth, Japino.net, Chubu Philippine Friendship Association (CPFA), Dive.net, Centrair ug uban pa.

Usa ka lokal nga partner, Maharlika Lion's Club, nahiabot usab aron nga mosuporta sa kalihukan. Ilang gigiyahan ang mga bisitang Hapones.

Samtang ang mga administrador, mga magtutudlo ug mga tinun-an sa maong mga eskuwelahan mihatag og sadya nga pagdawat ug pagtimbaya pinaagi sa pagtugtog sa dram ug nagwara-wara sa mga gagmay nga mga bandera nga gama sa papel ngadto sa 16 ka Hapones uban sa Kariya Lions Club ug sa 13 ka opisyales/miyembro gikan sa Maharlika Lions Club sa Davao City pinaagi sa tam-is nilang mga pahiyom.

Mga mosunod mao ang mga organisasyon nga duna malumo nga kasingkasing gikan sa Japan ug uban pang mga hut-ong gikan sa Pilipinas nga nagdonar og kuwarta aron pagpalit og sapatos ug mga sapatos mismo ang gihatag:

• Aeon Mall Aratamabashi Mozo Wonder City, Gifu Shiyakushomae

• Philippine Airlines (The heart of the Filipino people)

• Cebu Pacific

• The Earth

• Japino.net

• Chubu Philippine Friendship Association (CPFA)

• Filipino Migrants Center (FMC)

• Mie Filipino Coordinating Council (MIFILCO)

• NPO Filipino Nagkaisa (means unity)

• Philippine Japanese Asia Tomonokai Gifu

• Philippine Society in Japan – Nagoya

• Toyohashi Filipino Association

• Kariya Lions Club (AICHI Japan)

• Davao City Maharlika Lions Club

• Davao Medical School Foundation, Inc. – Institute of Primary Health Care

• Dive.net

• Centrair

• AIM Global

• Anjo Kariya Catholic Filipino Church

• Association of Pinoy Volunteers for Assistance (APiVA)

• SBI Remit

• Led vision

Misunod gilayon ang hamubo nga programa nga gidumala ni Mr. John Igang, isip usa sa mga magtutudlo sa Datu Lompipi Elementary School. Gisugdan kini sa pag-ampo pasalamat ni Ms. Cylla Constantino, magtutudlo sa Datu Lompipi High School.

Gisundan kini sa pagkanta sa Pambansang Awit nga gipangulohan ni Ms. Emma Delute, kinsa usa sab ka titser.

Gibuksan ang programa pinaagi sa lumadnong sayaw nga gihimo sa Grade 7 nga tinun-an sa Datu Lompipi Elementary School.

Ang selebrasyon sa kampanya sa Happy Shoes gipangunahan ni Atty. Antoinette “Petite” Prinsipe, usa sa mga konsehal sa Ikatulong Distrito sa siyudad sa Davao pinaagi sa iyang inspirational message kon diin ang pinakauyokan niini mao ang mga sapatos nga matud pa di lang kini sapatos kon di tabang sa pagkab-ot sa damgo sa mga tinun-an. Sa maong mga sapatos, ang tiil sa mga tinun-an di na manghapdos sa paglakaw ug di na mag-antus aron lang makaabot sa tulunghaan sa gitakdang oras.

Iyang gitin-aw nga di kini maoy premyo apan ang kabililhon sa mga sapatos ngadto sa mga tinun-an ug sa ilang edukasyon.

Gitapos niya ang pagpamulong pinaagi sa pagpasalamat ngadto sa mga tawo nga nagpaluyo sa kampanya sa Happy Shoes ug nagtimbaya kanila og Malipayong Pasko.

Si Mr. Toishi Ueda, executive director sa Rise Asia, nagbutyag nga ang prinsipyo sa Happy Shoes Campaign mao ang pagkab-ot sa damgo sa mga tinun-an pinaagi sa paghatag og mga sapatos nga gamiton sa paglakaw aron nga makaabot sa tulunghaan sa gitakdang oras.

Ang Happy Shoes Campaign nahimong selebrasyon sa pasalamat sa tanang mga administrador, magtutudlo, tinun-an sa mga eskuwelahan ug sa mga personahe sa IPHC-DMSFI.

Samtang gikanayon sab ni Mr. Kato Minuro gikan sa AICHI TV niadto sila sa Barangay Marilog sulod na sa duha ka tuig. Iyang giila ang paningkamot sa tanang mga tagdumala sa tulunghaan ug mga magtutudlo sa pagpapangandam ilabi na sa sayaw, pagkaon ug sa tanang kahago para sa selebrasyon sa Happy Shoes Campaign.

Nagpasalamat sab siya ngadto sa Kariya Lions Club ug sa uban pang Japanese organization nga atua.

Sa pikas bahin, si Mr. Hirati sa Kariya Lions Club nagkanayon nga ang yano nga pahiyom sa dagway sa mga tinun-an naghimo kaniya nga malipayon usab.

Gibutyag niya nga ang ilang grupo nag-andam og gasa sa Pasko alang sa tanang mga tinun-an sa elementarya ug high school.

Si Mr. Watenabi nagpadayag sa hinungdan sa ilang pag-adto sa Datu Lompipi Elementary School nga mao ang paghatag og sapatos sa mga tinun-an.

Iyang gipamulong nga gipangga niya ang Davao ug gipangga sab niya ang Datu Lompipi. Nangangha siya sa mga sayaw ug mga pagkaon nga giandam.

Samtang ang Maharlika Lions Club president - Davao City, Ms. Joy Legaspi, mihatag og laing inspirational message. Ug malipayon sab siya ug nadasig nga nakita ang matag usa sa Happy Shoes Campaign.

Iyang gihangop ang tanang mga isponsor sa paghatag kanila sa maong oportunidad nga mamahimong kabahin sa proyekto. Ug nagpasalamat ngadto sa mga Hapones sa paghimo sa Barangay Marilog sa Pilipinas isip “recipient” sa ilang pagkamanggihatagon ug tabang sa angay nga tabangan.

Gi-highlight ang selebrasyon sa Happy Shoes Campaign sa paghatag og mga certificates of appreciation ngadto sa mga mosunod: Datu Lompipi Elementary School, Japino.net, SBI Remit, Kariya Lions Club, Davao Medical School Foundation, Inc. - Institute of Primary Health Care, Led tv ug RISE Asia.

Duna say gihimong katilingbanon nga pagkanta nga giulohan og “Thank You for the Love.”

Ug gisunod gilayon ang pagpahulagway human sa kanta. Ug gitapos kini pinaagi sa closing remarks ni Mr. Juliano Cortejos kinsa mao ang School Head sa Panipasan Elementary School.

Sa maong higayon, si Mr. Toishi Ueda, executive director sa usa ka non-government organization nga mao ang RISE Asia, ug ang uban pang Japanese Team nangulo sa pag-apud-apod sa mga sapatos ngadto sa mga kabataan.

Si Ms. Josephine Alindajao, executive director sa Davao Medical School Foundation, Inc. - Institute of Primary Health Care, uban sa 6 ka personahe niini gikan sa Community Extension Services Project sa DMSFI-IPHC nag-abag sab sa pag-apud-apod sa mga sapatos.

Moabot ngadto sa 500 ka mga tinun-an ang nakapahimulos sa Happy Shoes campaign.

Samtang duha (2) ka bandera gihatag sa The Earth Japanese Group aron dugangan pa ang kamalipayon sa kalihukan.

Samtang nanghatag sa mga sapatos, daghang mga puting t-shirts gihatag sa mga grupo sa Hapones nga nga dunay nakatatak nga Philippine Fiesta Tokai 2018 ngadto sa mga Filipino counterpart.

Ang Philippine Fiesta Tokai 2018 gilangkuban sa mga mosunod nga grupo: AU Shop Gifu Shiyakushomae Shop Aeon Mall Aratamabashi Shop mozo Wondercity gisuportahan sa Embassy of the Republic of the Philippines – Tokyo Japan, Philippine Consulate General – Osaka Japan, Aichi Prefectural Government, City of Nagoya, Aichi Prefectural Board of Education, Nagoya City Board of Education, Aichi International Association, Nagoya International Center, Philippine Airlines, Cebu Pacific, LED Vision, Japino.net, Pinays in Japan, DIVE.tv, TFC, RMC Service, Pinoy Gazette, ug Mcom.