MGA manakayay ug motorista ang gipahibaw nga mas maayong planuhon nang daan ang ilang nga lakaw, kon moagi sa dakbayan sa Mandaue karong Byernes (Enero 18) aron di kaayo matanggong sa posibleng grabe nga paghuot sa trapiko.

Kay tungod sa traslacion, duha ka oras kon mga alas 7 sa buntag pa lang karong Biyernes Enero 18, sirad-an na ang pipila ka dan labi na sa Highway.

Mas maayong manayo kon mangadlawon sa pagbiya diha sa inyong mga balay karong Byenes, Enero 18, alang niadtong mga tinun-an ug mga trabahante nga mag-agian sa dakbayan sa Mandaue.

Gitug-an ni Glenn Antigua ang pangulo sa Traffic Enforcement Agency of Mandaue (TEAM) nga duha ka oras sa dili pa ang gikatakda nga takna nga pag-abot sa mga imahe sa Sr. Sto. Niño ug sa imahe sa Birhen sa Guadalupe, diha sa barangay Subangdaku, nga gibana- bana nga alas 9 sa buntag, sirad-an na ang pipila ka dan, nga sumpay sa dan sa maong lugar.

Nagpasabot kini nga alas 7 pa lang sa buntag sirad-an na ang tibuok dan sa J. Lopez Jaena sa may brgy. Subangdaku, gikan sa may Innodata hangtud sa corner A.del Rosario sa may brgy. Tipolo skywalk.

Lakip na usab ang mga dan sa A. Del Rosario gikan sa corner MC Briones padung sa corner dan SB Cabahug.

Sa dan SB Cabahug padung sa corner A. Del rosario, hangtud pa sa A.Soriano avenue dapit sa may City Health office.

Sa mga gikan sa norte nga mobyahe sa maong mga orasa karong Byernes, gitambagan nga mas maayo nga adto agi paliko sa dan H. Abellana o sa ML Quezon nga padung sa barangay Talamban sa dakbayan sa Sugbo o mas maayo moagi sa North Reclamation Area.

Ug niadtong gikan sa habagatang’ bahin, mas maayo nga sa barangay banilad dakbayan sa Sugbo, padung sa dan A. S fortuna o sa NRA lang una moagi.

Posibleng hinay-hinay nga maablihan ang mga dan nga gipang.sirad-an alas 10 sa buntag humam na makaagi ang imahe sa balaang bata ug sa Birhen sa Guadalupe.

Samtang sa paghiabot na sa imahe sa simbahan sa St. Joseph national Shrine hangtud na mahuman ang vigil sa alas 12 Sabado sa tungang gabii Enero 19, gitug-an ni Antigua nga mahimo nga maka-park sa mga sakyanan, kadtong mga moduaw sa simbahan, diha sa usa ka lane sa may S.B. Cabahug, lumbay sa atubangan sa Dr. Ignacio Cortes Hospital.

Ang maong dan sa SB Cabahug ang i- clear na usab sa mga sakyanan, kon pasirad-an sugod sa 12 sa tungang gabii (Enero 19) hangtud sad an AC Cortes, ug hangtud ha sa Mandaue- Mactan Bridge kon 1st bridge, alang na usab sa send-off.

Ang da’n padung sa unang taytayan, buksan lang alas 8 Sabado sa buntag, human na sa fluvial procession.

Hangyo ni Antigua nga sabton lang sa mga motorist, ug alang sa mga deboto nga mosunod lang usab nga strktong’ gidili ang mga balloon ug ilabi na mga kontrabando, diha sa ilang pagpaabot sa mga imahe nga makaagi sa ilang dapit.