UNDANON ang mensahe ni Lt. Col Roy Anthony Derilo nga gipaabot ngadto sa mga pulitiko nga mitambong sa gipahigayon nga “unity walk,” “integrity pledge,” ug “peace covenant” signing sa Misamis Oriental Police Headquarters sa Villanueva, Misamis Oriental.
Tungod niini, iyang gipaabot ngadto sa mga kandidato diin daghan kanila naghupot pa sa pangatungdanan nga ang pagpadala og pagkaon sa New People's Army (NPA) nagpasamot lamang nga walay mahitabo nga pagsurender labaw sa tanan gisuportahan hinuon ang mga kabatan-onan nga mga bata pa kaayo og mga edad niuban na sa walhong grupo aron makigeyera.
Hangyo niya sa mga pulitiko nga mitambong nga sila kasundalohan nagsige og paningkamot, pagpaabot ug ingon man panawagan ngadto sa walhong grupo nga magsurender na ug mobalik na sa sabakan sa gobyerno ug puy-an ang malinawon nga kinabuhi.
Apan tungod niining pipila ka mga pulitiko nga sige og padayon sa pagsuporta og pagpadala og pagkaon sa kabukiran rason gakalimtan sa walhong grupo ang pagpanurender.
“Naay mga surrenderee gaingon sa amoa hapit na unta mi magsurender kay mamatay mi sa kagutom pero naa na ang bugas. Makakaon lang mi kausa makalimtan na namo ang surrender,” matud ni Derilo.
Gipasabot ni Derilo nga kung gusto motabang sa mga batan-on nagpataas lang sa ilang kaikag pagpuyo niana nga grupo.
“If you want to help them kon pwede dita mohatag og pagkaon para mapugos silag ambak and they will able to have second chance in life nga gusto nato mahitabo alang kanila,” dugang ni Derilo. (SVB)