MAS pahugtan sa kapulisan sa Cagayan de Oro City Police Office (Cocpo) ang checkpoint human gisugdan na sa Commission on Elections (Comelec) ang checkpoint atol sa Mayo 13 eleksiyon.
Gibutyag ni Police Senior Superintendent Nelson Aganon, city director sa Cocpo, nga mas lauman sa katawhan ang mas hugot nga pagpatuman sa checkpoint karong mga panahona ug nanghinaut nga masabtan kini sa katawhan tungod alang man kini sa seguridad sa tanan.
“Sa ating checkpoint, yun ay araw-araw ine-expect natin na talagang medyo magkakahigpitan pero ito naman ay para sa seguridad ng lahat kasama na dito yung ‘criminality effort’ natin hindi lang ito para eleksiyon,” matud ni Aganon.
Gidugang usab ni Police Superintendent Robert Delos Reyes, hepe sa Operations and Plans Branch sa Cocpo, nga mas istrikto karon ang ilang ipatuman sa mga checkpoint sa nagkadaiyang dapit sa dakbayan.
“Ngayon mas hihigpitan na natin ang pag-conduct ng checkpoint since eleksiyon ngayon so dati medyo lenient pa tayo pero ngayon mas strikto na tayo ngayon,” dugang ni Delos Reyes.
Nasayran nga nihangyo ang kapulisan sa kasundalohan ug dugang pwersa sa kapulisan diha sa pagpatuman sa mga checkpoint.