MAGPADAYON ang “drug operation” sa kapulisan bisan pa man kung eleksyon period na.
Matud ni Police Superintendent Robert Delos Reyes, hepe sa Operations and Plans Branch sa Cagayan de Oro City Police Office (Cocpo), nga dili mahunong ang ilang mga operasiyon bisan pa man nga nagkaduol na ang eleksiyon.
“Tuloy-tuloy pa rin yan, non-stop naman yan ang ating ‘drug operation’ kung mapa eleksiyon man o hindi tuloy-tuloy pa rin ang ating operation,” matud ni Delos Reyes.
Gidugang ni Delos Reyes nga bisan sa kahugot sa kampanya apan duna gihapon mga nalambigit sa ilegal nga druga.
“Meron pa rin tayong mga nahuhuli, as a matter of fact meron tayong mga accomplishments,” dugang ni Delos Reyes.
Nanawagan usab kini ngadto sa mga nalambigit pa sa ilegal nga druga nga unta mohunong na ug dili na magpaabot nga ma-operasiyonan sa kapulisan ug magtingkagol sa bilanggoan. (KCS)