GIPABUHAGAY ni Filipino boxing icon Manny Pacquiao nga andam na siya alang sa iyang pagdepensa sa World Boxing Association (WBA) welterweight title batok kang African-American Adrien Broner karong Enero 20 (RP time) sa MGM Grand Garden sa Las Vegas, USA.
“Handang-handa na tayo para sa laban,” matod ni Pacquiao sa interbyu sa programa sa ABS-CBN nga “Umagang Kay Ganda.”
“It’s all set – timing andoon na, ‘yung kundisyon natin, andoon na.”
Mao kini ang labing unang away sa Pambansang Kamao sa Pilipinas gikan niadtong Nobiyembre, 2016 diin yano niyang gilupig pinaagi sa desisyon si Jessie Vargas sa ilang World Boxing Organization (WBO) welterweight title bout.
Mao sab kini ang labing unang depensa ni Pacquiao sa iyang WBA title nga iyang naangkon pinaagi sa pag-knockout kang Argentine Lucas Matthysse niadtong Hulyo sa miaging tuig sa Kuala Lumpur, Malaysia.
Giangkon ni Pacquiao nga si Broner dili sayon nga kontra gumikan sa kaabtik niini apan masaligon siya nga malupig ang batan-ong kaatbang tungod sa maayo niyang preparasyon.
“Mayroon tayong strategy na in-apply natin for this training camp, and we can use it in the fight, especially ‘yung head movement, quickness ng punches ko, and footwork,” pasabot sa 8-division world champion. ESL