ANG mga personnel gikan sa Headquarters, Naval Forces Central malampusong ningluwas sa duha ka mga mangingisda niadtong Disyembre 15, 2018 sq kadagatan sa Balangiga, Eastern Samar.
Nianang hapon sa maong adlaw, ang duty personnel sa BRP Abraham Campo (PC396) nakamatikod sa usa ka lalaki nga hapit na malumos nga 1, 600 yards gikan sa baybayon sa Balangiga.
Isip tubag sa alarma, ang 396 ubos ni Cdr. Aldrin Gacusan PN, nipadala dayon og personnel, lakip sa team Navy Seals (NAVSOU-5).
Usa ka rigid hull inflatable boat (RHIB) maoy gigamit ug ang NAVSOU5 team nihimo og rescue alang sa hitabo.
Ug ilang nasuta nga duha diay ka tawo ang hapit na malumos nga giilang sila si Jerwin Ogario ug ohn Paul Pabello, pareohng 15 anyos ug taga Barangay 6, Balangiga, Eastern Samar.
Ang ilang sakayan nalunod tungod sa kadagko sa balod niadtong higayona.
Ang mga biktima gidala sa PC 396 alang sa dugang pag-atiman sa ospital ubos sa mando alang sa PC 396 ug sk Force 50 pag-abag kanila ug luwas ga pagpauli sa ilang panimalay sa mga biktima.
Ang mga personahe sa Naval Forces Central naghimo og operational control sa mga vessels alang sa historical milestones, Balangiga Bells Turn Over Ceremony. PR