5 nagdala og armas, sikop sa checkpoint

LIMA ka mga tawo, usa kanila babaye, ang gi-imbestigahan karon sa kapulisan human makuhaan og mga armas ug bala atol sa gipahigayon nga checkpoint sa Task Force Davao sa Barangay Lacson Calinan, Davao City, Martes sa buntag, Enero 15.

Sakay ang mga nahisgutan sa usa ka pick-up diin sa dihang gisusi sa otoridad nakita ug nakuha gikan sa ilang posisyon ang duha ka granada, usa kalibre 45 nga pistola ug 73 ka mga buhing bala, ingon man ang usa ka 9mm ug 64 ka mga bala niini lakip ang usa ka M2 carbine nga dunay 99 ka mga bala.

Base sa kamanduan ginadili ang pagdala og armas gawas sa panimalay subay sa Commission on Elections gun ban ug padayon usab ilalom sa martial law ang Mindanao.

Sa kasamtangan, balhog ang mga dinakpan kinsa kasamtangan nga gipangtago una ang ilang mga pangalanm gumikan wa pa mapasaka ang kaso.