SAN JORGE, SAMAR - Siyam ka mga sundawo ang nangasamdan sa engkwentro tali sa mga sakop sa New Peoples Army (NPA).
Matod sa report ni Lt. Col. Rizaldo Laurena, commander sa 63rd Infantry Battalion, padung sa Barangay Erenas sa lungsod ang iyang tropa pasado alas 6 sa buntag niadtong Dominggo, Enero 13.
Atol sa ilang pagpadulong sa maong mga barangay, ilang gikasugat ang mga rebeldeng NPA.
Nahitabo ang engkwentro ug pagbuto sa usa ka Improvised Explosive Device (IED).
Ang maong engkwentro niresulta sa pagkaangol sa siyam ka mga sundawo kinsa gipangdala sa tambalanan.
Dako og pagtuo ang Philippine Army nga dunay nakalas ug samdan sa pikas grupo tungod sa mga pat-ak sa dugo.
Nakaalerto na usab ang kapulisan sa lungsod. JKDP