3,000 vendors nagparehistro sa DWUP alang sa Sinulog

Nagparehistro. Nagdasok ang mga vendor nga nagparehistro sa Dakbayan sa Sugbo alang sa Sinulog grand parade. (Kiziah Marie Suello-USJ-R Intern)
Nagparehistro. Nagdasok ang mga vendor nga nagparehistro sa Dakbayan sa Sugbo alang sa Sinulog grand parade. (Kiziah Marie Suello-USJ-R Intern)

MOKABAT sa 3,000 ka mga manindahay ang nagparehistro sa Cebu City Hall alang sa Sinulog grande parade karong tuiga.

Nagsugod ang rehistrasyon niadtong Enero 5 ug nahuman niadtong Sabado, Enero 12.

Matod ni Genevieve Alcoseba, operations head sa Division for the Welfare of the Urban Poor (DWUP), di na sila mohatag og ekstensyon sa mga taga siyudad nga moapas sa rehistrasyon. Mohatag sila og konsiderasyon sa kadtong mga manindahay nga gikan pa sa layong probinsya.

“Mag extend mi ug maghatag ra mi og consideration sa kadtong gikan pa sa mga probinsya nga naa saktong ikapakita nga ebidensya nga mao pa gyud ang ilang pag-abot,” sigon ni Alcoseba

Labing daghang vendors ang nagparehistro nga mamaligya sa Osmeña Blvd. diin asa kasagaran magpundok ang katawhan nga mosalmot sa maong selebrasyon.

Nitataw si Alcoseba nga karon pang Huwebes ug Biyernes makuha sa mga Sinulog vendors ang ilang permits.

Daan nang mipasidaan si Alcoseba bahin sa mga butang nga di nila itugot nga itinda sama sa flying balloons, liquors ug uban pa nga makadala og kasamok sa kadalanan. Di nila tugutan ang mga manindahay nga way permit nga makapaninda. Kiziah Marie T. Suello, USJ-R Intern

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph