AMINADO ang port collector sa Mindanao International Container Terminal (MICT) nga human mibuto ang isyu sa basura nga nahidangat gikan sa South Korea sunod-sunod sab ang iyang nadawat nga bahad sa kinabuhi.
Kini ang ma-isugon nga pag-angkon ni port collector John Simon niadtong Dominggo, Enero 13, atol sa pagpabalik sa basura ngadto sa South Korea.
Mensahe niini nga daghang gustong pahilomon siya niining pagbulgar sa basura apan hangtud nga magpabilin siya isip port collector, siya mao’y modiskubre sa mga anomalya.
“Ito yong mga basurang pilit na ipinasok sa atin ng mga tiwaling mga tao na nakipagsabwatan sa mga tiwaling dayuhan,” matud ni Simon ug miingon nga sa pagpadayon nga imbestigasyon nakadawat ug mga bahad.
“At hindi niyo ba alam na napakadaming threats, napakaraming boses na nagsasabi sa akin na manahimik ka nalang total hindi naman sa panahon mo nag-sipasok iyan meron karin diyan,” matud ni Simon apan miklaro nga ang Bureau of Custom (BOC) sa nasod sa Pilipinas ang dili mapalit og sapi.
“Ang Custom (BOC) ng Pilipinas ay hindi nabibili, hindi kami natatakot hanggat ang lahat ng basura hindi naibabalik kung saan galing ang mga ito dahil ang bansa natin ay hindi basurahan,” dugang niini.