MADASIGON nga mihatud sa ilang kinasingkasing nga serbisyo ang mga tinun-an sa Mindanao Aeronautical Technical School (MATS) College of Technology sa Davao City ngadto sa Immaculate Heart of Mary (Home for the Sick, Abandoned Dying Institute) sa Barangay Wilfredo Aquino, Agdao DIstrict, Davao City niadtong Dominggo.
Sumala ni Berneth Tan, MATS College of Technology National Service Training Program (NSTP) Civic Welfare Training Service (CWTS) coordinator nga usa sa ilang kawsa mao ang paghatud og serbisyo ngadto sa komunidad.
Dugang niya nga andam ang mga tinun-an sa maong tunghaan ugaling ang komunidad manginahanglan sa ilang tabang alang sa civic welfare.
Usa lamang ang Immaculate Heart of Mary sa daghang mga charitable institutions nga ilang nahatudan og serbisyo.
Padayon nga mohimo og mga community services ang maong tunghaan.