LEYTE--Adunay reshuffle sa pipila ka opisyal sa kapulisan sa Eastern Visayas pipila ka buwan sa una pa ang eleksyon 2019.
Base sa report sa Police Regional Office (PRO) 8, mga provincial directors ang naapil sa reshuffle.
Nilingkod karon isip acting director sa Leyte Police Provincial Office (LPPO) si kanhi Tacloban City Police Office director, P/SSupt. Rolando Bade.
Samtang si kanhi Samar Police Provincial Office (SPPO) director, P/SSupt. Nicolas Torre III mao ang acting chief sa Regional Operations and Plans Division sa PRO8.
Nihulip kang Torre isip acting provincial director sa SPPO si P/SSupt. Dante Novicio, kanhi direktor sa LPPO.
Nilingkod naman isip acting provincial director sa Eastern Samar Police Provincial Office (ESPPO) si P/SSupt. Lito Bigoy.
Nangulo sa Regional Personnel and Human Resource Development Division si P/SSupt. Andre Dizon.
Nilingkod usab isip hepe sa Maasin City Police si P/Supt. Mark Nalda.
Sa Ormoc City Police Office, milingkod isip direktor si P/SSupt. Arnel Gongona.
Samtang nilingkod na man isip hepe sa Calbayog City Police si P/Supt. Joie Pacito Yape.
Gipasabot sa PRO8 nga normal lang ang maong reshuffle sa kapulisan aron mapakita niini ang ilang mga abilidad sa mga bag-ong posisyon nga ilang gihuptan.