GIPAHIBAWO ni Lapu-Lapu City Mayor Paz Radaza nga adunay gitagananang libreng bus ang city government sa mga Oponganon nga buot motambong sa misa sa Basilica Minore Del Sto Niño karong adlawa, Enero 17.
Kini aron paghatag og kasayon sa mga Oponganon nga manimba sa Basilica atol sa misa nga ang dakbayan sa Lapu-Lapu ang sponsor karong ala 1:00 sa hapon sa Basilica.
Duha ka mga bus ang gitagana sa city government ngadto sa mga Oponganon nga maghuwat diha sa atubangang bahin sa City Hall.
Alas 11 sa buntag gikatakdang mogikan ang nahisgotang mga bus aron kalikayan nga matanggong kini sa trapiko.
Libre usab gihapon ang sakay sa mga Oponganon inig pauli sa dakbayan human sa Santos nga Misa.
Sa miaging semana nangita unta ug laing paagi ang mayor nga makatagana ug mga bus sa mga Oponganon nga buot motambong sa misa sa Basilica sanglit usa lang ka bus lang ang anaa karon sa city government.
Nagplano unta ang mayor nga mohangyo ug bus sa mga barangay apan nakdesisyon nga mag-abang na lang aron dili usab mabalda ang serbisyo sa kabarangayan.
“Duha na ka bus, nag-abang mi ug lain kay guba man ang atong usa ka bus para naa gyuy kasakyan ang atong katwhan,” pagbutyag sa mayor.
Niawhag ang mayor sa pagfambng sa misa sa Basilica nga ubos sa pag-sponsor sa Lapu-Lapu. GCM