Abellana miapelar sa hukom sa DILG

DI manginlabot ang Department of the Interior and Local Government (DILG) mahitungod sa desisyon sa pagkasuspenso sa kapitan sa Barangay Mambaling nga si Gines Abellana.

Kini human mibutyag si Abellana nga nga di siya mokanaog sa iyang pwesto tungod kay mag-agad siya sa himuong desisyon sa DILG.

Apan giklaro ni DILG Cebu City-OIC Director Joy Emmalyn Calvo nga wala sila’y igong awtoridad nga mohatag og desisyon bahin sa suspensyon ni Abellana gumikan kay ang Sangguniang Panlungsod ang naa’y katungod nga mohukom niini.

“It’s not the DILG who will give the order nga ma-suspended siya, kay sa Sangguniang Panglunsod man gikan ang desisyon, and then ang Sanggunian Panlungsod authorized the acting secretary with the help of city treasurer to implement or to serve the suspension. The moment that somebody received the SP resolution didto mag start ang suspension ni Capt. Abellana,” sigon ni Calvo.

Base sa desisyon sa tulo ka committee sa city council, suspendido si Abellana og duha ka tuig human niya wala gipang-release ang unom ka buwan nga honoraria sa upat ka konsehal.

Bisan pa nakadawat na kini sa maong resolusyon sa City Council bahin sa iyang pagka-suspenso niatong Enero 9, nagdumili gihapon si Abellana sa pagnaog sa iyang katungdadan isip barangay kapitan sa Mambaling.

Si Gines Abellana mitataw sa usa ka phone interview kagahapong adlawa, nga kon di man gani manghinlabot ang DILG sa iyang pagkasuspenso kini tungod miapelar siya niadtong Enero 10 ngadto sa office of the president bahin sa nahimong desisyon sa Sangguniang Panlungsod.

“Ug dili sila manghinlabot ana, it’s because gi-apelar ko na ang desisyon sa Sanggunian Panglungsod didto sa Office of the President, kang President Duterte, kay adto man gyud na ang apilasyon bahin sa suspension.”

Matod ni Abellana nga gisuspenso siya tungod ang mga miyembro sa Sangguniang Panlungsod nga nihimo sa maong desiyon kay ka-partido ni Osmeña.

“Kanang mga sanggunian puro mana Osmeña mao kana nga nihatag sila og suspension nako para mabutang na ilang tawo dira,” dugang niya.

Hugot sab ang desisyon ni Abellana nga di siya mopakanaog sa iyang katungdanan tungod matod niya aduna siya’y katungod nga mokwestiyon sa gibuhat nga desisyon sa Sangguniang Panglungsod.

“Dili gyud ko monaog... I’m questioning their decision and appealing it. Interesado man gyud sila kaayo nga palingkuron ilahang tawo. I can’t leave Mambaling, and sa pagkakaron i’m still the lawfully elected barangay captain, dili gyud nako biyaan,” matod ni Abellana.

Samtang si acting barangay captain sa Mambaling Anne Marie Palomo nga mipuli kang Gines mihinubay nga sa pagkakaron wala pa gihapon siya nakatarong og lingkod isip usa ka barangay kapitan tungod sa hugot nga pagdumili ni Abellana sa pagnaog sa maong posisyon.

Dugang ni Palomo nga padayon gihapon sa pang pirma og mga dokumento si Abellana isip usa ka barangay kapitan bisan pa wala na kini katungod, apan gi klaro sab niya nga mopasaka siya og legal nga aksyon kon padayon gihapon ning buhaton ni Abellana. Kiziah Marie T. Suello, USJ-R Intern

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph