Editoryal: Nagtugtog sa pansitan?

Editorial Cartoon by Ariel Itumay
Editorial Cartoon by Ariel Itumay

NATRIBUKAR ug nabisto kining mga kalapasan nga nahimo sa Davao City Environmental Care Inc. (DCECI), ang kompaniya nga gikontrata sa pipila ka mga ospital nga maoy molabay sa ilang basura.

Sa gihimong inspeksiyon sa City Environment and Natural Resources Office (Cenro) nidiskobrehian nga ang DCECI wa usab makatuman sa mga city ordinance nga nagdili kanila sa pagpataka og labay og basura sa bisan asa nga dapit, lakip na ang mga sapa, kanal, mga bakanting luna, mga sidewalks ug uban pa.

Tungod niini, ang mga opisyal sa dakbayan sa Mandaue, gawas sa pagluwat og cease-and-desist order (CDO), porsegido ug gitun-an karon ang pagpasaka og kaso batok sa maong buhatan.

Kalapasan sa Republic Act (RA) 6969 o Toxic Substances and Hazardous and Nuclear Waste Control Act of 1990, ug RA 9003, o gitawag og Ecological Solid Waste Management Act sa 2000 ang posibling i-sumiter sulod karong semanaha ngadto sa City Legal Office.

Wala usab diay kini makakuha og environmental transport permit gikan sa Office of the Mayor alang sa mga peligruso ug maka-impeksiyon nga mga basura nga ilabay sulod sa dakbayan.

Tungod sa gihimo ni DCECI napuwersiyo usab intawon ang panginabuhi sa atong pipila ka mga kaigsuonanang mangingisda nga naapektohan niini.

Pero kon tinuod man kining gipangbutyag batok sa DCECI, nganong gitugotan man kini sila nga makapadayon sa ilang operation sa wa pa motumaw ang kontrobersiya?

Nganong wa man kini badlonga ug pahunonga sa mga ahensiyang hingtungdan nga klaro man unta ang kalapasan.

Dili ba angay usab basulon kining Environment Management Buruea (EMB) 7 ug ang Cenro tungod kay daw og sa nagtugtug ra man ni sila sa pansitan ug klaro nga nagpabaya sa ilang trabaho?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph