Pacquiao di ka siguro og knockout nga kadaugan

MASALIGON man tuod si eight division world champion Manny Pacquiao nga modaog sa iyang pagpakigsangka sa Amerikanhong si Adrien Broner apan, lahi sa uban, wa kini mopasalig og knockout nga kadaugan.

Sa katapusang press conference sa ilang away nga gipahigayon didto sa MGM Grand sa Las Vegas, kagahapon, si Pacquiao mihulagway kang Broner nga preparado usab kaayo sa maong away.

“Broner, he is well prepared for this fight and I, we, Team Pacquiao is well prepared for this fight,” matod ni Pacquiao.

Iyang gipasabot nga kon dunay knockout, hayan magsilbi lang kining bonus sa maong away.

“We’ll do our best. If the knock out comes (that) will be a bonus,” dugang ni Pacquiao sa dihang gipanguta sa facilitator nga si Al Bernstein, usa ka Boxing Hall of Fame analyst.

Alang kaniya nga ang paglingaw sa mga tawo maoy iyang prayoridad.

“What we are trying to do here is... as long as the people are happy, and the fans will be happy,” dugang sa Filipino boxing star.

Subling gipadakyag ni Pacquiao nga gibati niya ang tumang kahinam ning pagbalik niya og away sa Las Vegas ilabi na nga dinhi sa MGM Grand napahigayon ang iyang unang away sa Amerika niadtong Hunyo 2001.

Ka 13 usab ka higayon nga napahigayon ang iyang away sa maong arena.

Si Broner, sa iyang bahin, wa kaayo mohatag og pamahayag sa mga media.

Dunay migawas sa social media nga wala ganahi si Broner sa maong press conference kay nainsultohan kini sa mga pangutana ni Bernstein. JBM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph