GITINGUHA karon sa Turkish prosecutors nga malutsan og international arrest warrant ang sentro sa New York Knicks nga si Enes Kanter kinsa ilang giakusahan nga sakop sa grupong terrorista.
Ang Sabah newspaper nagkanayon nga ang Istanbul chief prosecutor’s office naghikay na usab og extradition request alang ni Kanter.
Si Kanter wa mokuyog sa Knicks karong semanaha alang sa ilang duwa sa London tungod sa kahadlok nga tingale og patyon siya tungod sa iyang pagka oposisyon ni Turkish president Recep Tayyip Erdogan.
Sa iyang Twitter iyang giingon nga ang Turkish government dili makapresentar og bisan usa ka ebedensiya nga siya nakahimo og kasal-anan.
“I don’t even have a parking ticket in the US,” padayag ni Kanter sa iyang gi-post sa social media.
Si Kanter maoy usa sa bokal nga kritiko n i Erdogan ug ang iyang Turkish passport gi-revoked niadtong 2017.
Kining tanang pasangil hugot nga gihimakak ni Kanter. JBM