Kapitan gipatay, ‘sakop’ ni Sabalones

Miambak. Mao kini ang kahimtang sa sakyanan ni Magsico Barangay Kapitan Johnny Arriesgado human niambak sa taytayan sa Barangay South Poblacion, San Fernando dihang gi-ambush siya niadtong Miyerkules sa gabii sa mga tawo nga nagsakay og puti nga van. Si Arriesgado nadakpan na kaniadtong 2017 sa paghupot og ilegal nga armas (sukip nga hulagway). (Alex Badayos, File Photo)
Miambak. Mao kini ang kahimtang sa sakyanan ni Magsico Barangay Kapitan Johnny Arriesgado human niambak sa taytayan sa Barangay South Poblacion, San Fernando dihang gi-ambush siya niadtong Miyerkules sa gabii sa mga tawo nga nagsakay og puti nga van. Si Arriesgado nadakpan na kaniadtong 2017 sa paghupot og ilegal nga armas (sukip nga hulagway). (Alex Badayos, File Photo)

DRUGAS ang usa sa gitan-aw nga motibo sa pagbanhig patay kang Magsico Barangay Kapitan Johnny Arriesgado sa Barangay South Poblacion, lungsod sa San Fernando, niadtong Miyerkules sa gabii, Enero 16.

Duna say anggulo sa pulitika human si Arriesgado ug uban pang mga opisyal sa lungsod naa sa giiingong listahan sa mga patynon.

Usa sa mga opisyal sa Police Regional Office 7 (PRO) 7 nga nihangyong di nganlan nibutyag sa Superbalita Cebu nga nalakip si Arriesgado sa mga ginganlan nga incumbent officials ni Tocelio Ababon, nga mga sakop ni self-confessed drug lord Franz Sabalones.

Si Ababon, kinsa giingong tuo nga kamot ni Sabalones, napatay sa ambush sa lungsod sa Argao.

Gidala si Ababon sa mga pulis sa Argao dihang sila gi-ambush sa labing minos upat ka mga tawo.

Daghan siya og gitug-an nga mga ngan sa mga opisyal ug kapulisan nga mga protektor ni Sabalones human siya masikop sa lungsod sa Argao.

Apil sa iyang gitug-an mao si Konsehal Reneboy Dacalos, kinsa gipatay niadtong Enero 10 sa Barangay Poblacion.

Apan gihimakak sa pamilya nga nalambigit kini kang Sabalones.

Matod sa opisyal nga nitug-an si Ababon nga sinaligan kaniadto ni Sabalones si Arriesgado sa illegal nga negosyo sa dihang misulbong pag ayo ang pagpamaligya sa illegal nga drugas sa probinsya sa Sugbo.

Matrix

Adunay dokumento ang kapulisan sa matrix ni Sabalones nga naapil ang ngalan ni Arriesgado, apan si Chief Insp. Lymel Pasquin,bag-ong hepe sa kapulisan sa lungsod, wa pa makakita sa unod.

Si Pasquin ug iyang mga sakop niadto lang Sabado, Enero 12, ninghulip sa tanang daang mga pulis sa San Fernando.

Si PRO 7 Director Debold Sinas mao ang nangunay sa pagrelibo sa iyang mga sakop.

Si Pasquin niingon nga di nila masalikway nga managlambigit ra ang kamatayon nila ni Ababon, Dacalos ug Arriesgado.

Pulitika?

Mga kaalyado sa pulitika ni Arriesgado nagtuo nga pulitika ang nagpaluyo sa iyang kamatayon.

Sa interbyu sa Sunstar Cebu, si San Fernando Association of Barangay Councils (ABC) president Ricardo “Nonoy” Reluya nipasangil nga ang ilang kaatbang nga gipangulohan ni mayoral candidate ug negusyante Ruben Feliciano hayan maoy nagpaluyo sa pagpatay kang Arriesgado.

Namasangil si Reluya nga si Feliciano naghisgot og “kill list” kun listahan sa mga patyunon nga naglakip kaniya, iyang asawa nga si San Fernando Mayor Lakambini Reluya, Arriesgado, Dacalos ug laing konsehal, sa usa ka social media post.

Apan si Feliciano, sa lahi nga interbyu, nanghimakak sa pasangil.

“Kwentong kutsero man na siya. Those are wild dreams,” sulti ni Feliciano sa SunStar Cebu.

Si Reluya, kinsa modagan pagka bise mayor ubos sa linya sa iyang asawa, namasangil nga si Feliciano nibahad kaniya ug sa iyang asawa nga “retreat or die.”

“Bisag kami giingnan mi nga drug protector mi. Nga niingon siya nga “I will kill you all.” Dili na tumo-tumo kay gi-post man na niya,” matod ni Reluya.

Apan si Feliciano nanghimakak nga nag-post siya niini sa social media.

“Ambot niya. I have nothing to do with that. He should ask the police the results of their investigation,” sulti ni Feliciano sa SunStar Cebu.

Nagtuo siyang way pulitika sa kamatayon nila ni Arriesgado ug Dacalos.

4 mi-ambush

Pasado alas 6 sa Miyerkules sa gabii, Enero 16, sakay sa iyang brown nga multicab si Arriesgado padung sa syudad sa Sugbo.

Apan pag-abot sa atubangan sa pabrika sa semento sa Barangay South Poblacion, tulo ka wa mailhing mga lalake ningpaarak sa ilang dala nga mga armas.

Nakapadagan pag pila ka metro ang sakyanan sa kapitan nga sigun sa mga nakasaksi nag ikis-ikis ug naka bangga pa og duha ka tawo nga sakay sa motor hangtod nga nahulog sa taytayan nga nag una ang atubangan niini.

Giila ang mga nangaangol nga silang Agnes Alpetche Lauronal ug Antonio Canoy, taga Liboron, San Fernando.

Si Lauronal namatay pasado ala 1 sa Huwebes sa hapon, Enero 17.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph