MOABOT sa 350,000 ka mga deboto ni Sr. Sto. Niño ug Birhen sa Guadalupe ang mingsalmot sa penitential “Walk with Mary,” Biyernes sa kaadlawon, Enero 18.
Kini ang gitug-an ni Police Senior Superintendent Royima Garma, ang director sa Cebu City Police Office, nga mas daghan karon ikumpara niadtong “Walk with Jesus” nga mao usab ang pagsugod sa misa nobenaryo.
Matud ni Garma nga usa sa iyang nakita nga hinungdan, tungod kini kay ang adlaw nga Biyernes mao ang adlaw sa sa balaang Bata sa Basilica Minore del Sto. Niño, ug tumong usab nga mao ang ikasiyam kon katapusan nga nobenaryo.
Mas daghang' mga pulis usab ang gi-deploy karon ikumpara niadtong “Walk with Jesus,” aron masiguro nga mapalutaw ang karo nga gisakyan sa Birhen sa Guadalupe.
Human nga atol sa “Walk with Jesus,” sulod ug gawas lang ang mga deboto sa mga way center island sa duha ka mga dagkong dalan duol sa Basilica, nga wa na napugnagn sa mga pulis niadtong higayuna.
Dugang ni Garma nga malampuson ug mas hapsay ang pagpahigayon karon sa “Walk with Mary.”
Samtang pagpahinumdom sa mga deboto nga ang kurapsyon makawa sa dignidad sa pagpangalagad.
Kini ang unod sa wali ni Father Manuel Tan, ang nangulo sa unang Santos nga misa sa ikasiyam ka adlaw sa nobenaryo alang sa kapistahan ni Sr. Sto. Niño.
Miingon si Father Tan nga sa bata pa lang gipahinumduman ang mga ginikanan nga buyagon na gyud ang mga bata sa ilang mga sayop nga gawi, aron di kini mahimo nga 'habitual sin' nga moresulta sa kurapsyon.
“Di ta aware nga nasayop na diay ta, mao kinahanglan nga naay mobadlong..sama sa tema sa kapistahan nato karon, ‘Sto. Niño guide of humility and service.’ Ug ang ‘corruption makes one loses the dignity to serve,’” matud ni Father Tan.