MINNEAPOLIS -- Ang Fil-Am singer ang mokanta sa Philippine national anthem uban sab sa mga pastors sa Manny Pacquiao batok Adrien Broner para sa WBA Welterweight championship karong Sabado (January 20, Philippines time) sa MGM Grand sa Las Vegas, Nevada.
Si award winning singer Angel Ram mosalida ug mopakita sa abilidad sa natad sa musika atubangan sa mga boxing fanatics.
Nagbase na sa Jersey City, New Jersey State, USA apan nahimugso ug nagdaku sa dakbayan sa Zamboanga si Angel sa pulos musician nga ginikanan diin Filipino-India ang amahan nga si Rodelio ug Pinay ang inahan nga si Fedelia Dacayana-Ramchand.
Si Angel nga nakontak sa Superbalita Cebu via chat online nagkanayon nga anaa na siya karon sa Las Vegas sukad pa kagabii diin nangandam sa iyang isul-ob atol sa kalihukan.
“I’m proud Cebuana and proud Zamboangueña. It’s been a dream of mine to perform in a boxing arena. And I’m proud that I have to sing with the Singing Pastors during the Pacquiao vs. Broner fight “ matod ni Angel
Sa 2017, si Angel nalakip sa Team USA nga mikanta sa World Championship of Performing Arts (WCOPA) diin midaug sa tulo ka mga category kini mao ang Broadway, Rock ug Gospel.