MINNEAPOLIS -- Mitamak sa timbangan si Cebuano-Boholano boxer Jessie Cris “VIP” Rosales sa 124.5 lbs samtang ang kontrang si American Shakur Stevenson mitali sa 125.5 lbs pulos ubos sa 126-lb weight limit.
Ang duha ka fighters mas miinit human hisayri nga duha ka regional belts ang naghulat sa mananaug, kini mao ang WBC Continental ug IBF Inter Continental Featherweight titles, sa ilang away karong Enero 18 Biyernes (Sabado sa buntag RP time) sa Turning Stone Casino sa New York, isip undercard sa Bryant Jennings vs. Oscar Rivas Heavyweight Championship.
“Nakuha ang timbang sir, pasabot ana nga condition kaayo si Cris (Rosales), mikaon siya ganina steak, rice, fish, nya orange juice, water ug uban pa” matod ni veteran trainer Eldo Apawan Cortes ning tigbalita.
Si Rosales nga kanhi sakop sa Omega Stable, mi sugilon nga may tanyag kaniya nga paduwaon siya pagbalik sa US sa umaabot nga mga buwan ubos gihapon sa panag tandem nila ni Cortes.
Si Rosales, (22W-1L-1D, 10KO) nga taga Bohol, moasdang ni Stevenson (9W-0L-0D, 5KO) nga nagbase sa Newark, New Jersey.