POSIBLENG kwestyonable ang pagkab-ot og business permit sa Davao City Environmental Care Inc. (DCECI) sugod niadtong 2013, kini ang gitug-an ni Mandaue City Mayor Luigi Quisumbing, hinungdan nga iyang gipasusi kini sa City Legal Office.
Nakigtagbo usab si Quisumbing sa Solid Waste Management Board sa dakbayan sa Mandaue Byernes sa hapon, Enero 18, pagtuki sa problema may labot sa hospital waste diha sa Barangay Umapad, diin nahimutang ang buhatan ug pasilidad sa DCECI ug ang kalabot sa mga basura nga anaa sa kilid sa sapa sa Butuanon.
Sa pasangil sa DCECI diha sa ilang tubag sa notice of violation ng gi-isyu sa Mandaue City Environment and Natural Resources Office (MCenro) nga dili sila kundi ang mga mamasurahay maoy nagpasad sa mga hospital waste sa kilid sa sapa diha sa Barangay Umapad.
Tubag ni Quisumbing nga ilang gitan-aw ang tanang anggulo sa kon unsay posibleng hinungdan kon ngano naabot ang mga basura sa tambalanan sa kilid sa sapa sa Butuanon.
“Like what we said, if there are any violations, we will not hesitate to implement sanctions. Now it does appear that there were some concessions made by the City back in 2013 sa kanang DCECI, when a City ordinance and all the inspections and permits given through the administration of former mayor now Congressman (Jonas) Cortes. Among gipatan-aw sa City legal kay it seems like there may be some infirmities sa ilang gipanghatag nga kontrata, which was done very quickly,” gitug-an ni Quisumbing.
Sa dihang’ gipangayuan kini og dugang pagpasabot kalabot sa kontrata ug posibleng kalambigitan ni Cortes sa maong isyu, tubag ni Quisumbing mao ang: "Soon to come."
Giklaro usab ni Quisumbing nga gikinahanglan na nila ang pagpagawas sa cease and desist order sa niaging semana bisan kon wa pa nakatubag niadtong’ higayuna ang pamunuan sa DCECI nga kini aron sa pagsiguro nga maundang una ang bisan unsa nga gibuhat sa DCECI samtang nagpadayon ang pakisusi.
“Well that is a measure that is important, so that we can be sure nga di mapadayon ang ilang gibuhat samtang nagpadayon ang ilang inbestigasyon, now the final say of all of this is the DENR, kay sila man mohatag sa license to operate, sila man ang final arbiter kon isira ba gyud permanently ang DCECI but on our part sa City, we want to make sure that samtang nag imbestigar ang DENR nga di sila magpadayon sa paglabay sa basura or at least we can help to control kon asa padung ang basura, that is why we issued a cease and desist order,” pagpaklaro sa mayor.
“Solve the problem, stop making excuses!” kini usab ang pintok nga tubag ni Cortes sa pamahayag ni Quisumbing.
Sa press release nga gipagawas sa kampo ni Cortes nga niadtong 2014 nagsugod ang DCECI ug nga wa kini nalapas ug bisan sa 2017 nahatagan pa kini og mayor’s permit.
“The issue here is not when or who granted the permit but as to when and how the violations were done and why it took so long for the city to stop and correct these violations.. He has again turned this issue into a blaming opportunity. A default defense mechanism when he is cornered by an issue which is squarely his sole responsibility as Mayor tod,” sumbalik nga tubag ni Cortes. FMD, Correspondent