SUPERBALITA DAVAO

Utok sa Roxas bombing nasikop

COTABATO CITY -- Dakpan na sa otoridad ang giingong utok sa pagpamomba sa night market sa Roxas Avenue, Davao City niadtong Septyembre 2, 2016 kon diin 14 ka tawo ang namatay samtang laing 70 ang naangol.

Ang pagkadakop sa suspek nga si Abubakar Pagayao kinsa dunay mga alyases nga Jing ug Kario, molupyo sa Mother Barangay Bagua, Cotabato City nahitabo alas 7 sa gabii, Huwebes, Enero 17.

Sumala kang Senior Superintendent Michael Lebanan, Cotabato City Police Office director, nga nasikop si Pagayao sa gilusad nga ronda sa hiniusang puwersa sa kapulisan ug militar sa iya mismong balay.

Nakuha gikan sa posisyon ni Pagayao ang usa ka kalibre .45 nga pistola ug mga buhing bala.

Si Pagayao, gitumbok nga maoy utok sa pagpamomba sa Roxas Night Market sa Davao City nga gikamatay sa daghang mga tawo, giingong miyembro sa Ansar Khalifa Philippines, Dawah Islamiyah ug Maute Terror Group.

Gisikop si Pagayao pinaagi sa gahum sa Martial Law Order #2 Pursuant to Proclamation #216 o ang 2017 proclamation of martial law and suspension of the privilege of the writ of habeas corpus sa tibuok Mindanao nga giisyu ni Presidente Rodrigo Duterte niadtong Mayo 23, 2017.

Gipailawom na sa interogasyon sa mga awtoridad si Pagayao.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph