DEAR Noy Kulas,
Ako si Romel, taga Cebu but naa na ko karon sa Manila nag-based sukad ko gibalhin sa akong company diri.
Naay koy girlfriend nga naa sa Cebu. Four years na mi. Taguon lang nato siya sa ngan nga Nel. Best friends mi since college. Unya nang graduate mi ug diha na ko nanguyab niya kay buwag man mi sa akong GF kay molarga na sila sa abroad sa iyang pamilya. Dali ra ko nga naka move on tungod ni Nel.
Naka appreciate kaayo ko sa iyang personality ug tabang nga dali ra kong maka move on. Until nga kami ang nagkauyab. It was really a good four years together. Naa namo ang tanang happiness. Well, di man malikayan nga naay mahitabo sa kadugayon sa among relationship and it made us more stronger.
Karon naa na ko diri sa Manila, daghan ang nausab. Nagkatagsa na lang ang among communication ug magsige na mi og away tungod sa among insecurities, especially sa akoa. Until nga nakigbuwag na siya nako six months ago. Bisan giunsa nako di na siya makigbalik dihang niuli ko og kadiyot just to talk to her.
Noy, lami na kaayong ihikog kay siya ra ang naa pirme sa akong huna-huna, labina karon nga nagsige ang quarantine. Unsay akong buhaton?
ROMEL
Romel,
Usahay, ang imong gi-expect di maoy mahitabo. Bisan unsa pay imong buhaton, if di mo meant sa usag usa, di gyud kamo ang magkadayon. Lisod bitaw ni dawaton tungod kay di matumbasan ug lisod tambalan ang ka sakit. Di matupngan ug di masabtan ang bation kon gugma na ang mosamad sa imong kasingkasing. Modulot hangtod sa bukog.
But life must go on bisan unsa pa ka sakit sa atoang bation. Lisod man kaayo nga imong pugson ang tawo nga wa na ganahi nimo.
Ang imong nahimutangan karon dako kaayo og ikatabang sa imong pag move on. Wa kay mga dapit nga imong makita nga inyong kanhi suroyan. Mga tawo nga inyong suod. It means mas sayon ang pagpuyo sa bag-ong kinabuhi. Unsaon nimo pagsugod? If okay ra nga magpuyo kang way social media, buhata. I deactivate unag pila ka months ang imong Facebook. This way, moving is a bit easier.
NOY KULAS