TUNGOD sa pagka kontrobersiyal ug daghang nakaaway, ang Cebu City Police Office (CCPO) maglisod sa pagtumbok sa anggulo ug motibo sa pagbanhig-patay ni kanhi Cebu City Assistant Prosecutor Mary Ann Castro sa dalan Escario, Barangay Kamputhaw, dakbayan sa Sugbo niadong Huwebes, Enero 17 sa gabii.
Si Castro, 49, taga Azienda Milan, Barangay Maghaway, siyudad sa Talisay, kataposang nadestino isip fiscal sa dakbayan sa Masbate.
Dihang nadestino sa Sugbo, si Castro nalambigit sa daghang kontrobersyal nga relasyon nga naglakip ni Leodegreco o Greco, anak ni anhing Cebu Vice Gov. Greg Sanchez nga nisangko sa kinihaay sa korte.
Si Sr. Supt. Royina Garma, hepe sa CCPO, nitug-an sa Superbalita Cebu nga aduna na silay impormasyon nga nalambigit kini sa ilegal nga drugas, apan wala pa siya makakita kon naa ba sa listahan sa PNP si Castro.
Ang anggulo sa gidiling druga usa sa nag-unang gisubay sa kapulisan uban sa iyang personal nga relasyon ug kaaway sa trabaho isip piskal.
Usa sa gibasehan ni Garma bahin sa anggulo sa druga ang pagpakigrelasyon niini sa mga personalidad nga adunay kalambigitan sa ilegal nga drugas nga gipatutokan niya sa mga imbestigador.
“Alam mo kahit hindi namin tutukan, naging public knowledge ang kanyang intervention sa drugs. So, that public knowledge, we can start seguro tingnan din pud baka may connection sa pagkamatay niya,” matod ni Garma.
Dugang sa CCPO director nga nakigrelasyon ang biktima sa mga nalambigit sa ilegal nga drugas sama sa kontrobersyal nga si anhing SPO1 Adonis Dumpit nga napatay sa buy-bust operation sa National Bureau of Investigation (NBO) sa probinsya sa Bohol.
Gidasunan kini ni Sr. Insp. Eduardo Sanchez, hepe sa Fuente Police Station 2, kinsa nangulo sa pagtubag sa alarma.
Lakip na ang pakig-ipon niini ni Greco Sanchez nga giingong tiggamitan usab sa ilegal nga drugas.
Makig-alayon usab sila sa PNP sa Masbate sanglit nakadawat sila'g report nga kontrobesyal usab kini didto.
Sunod semana, mohulma ang CCPO og Special Investigation Task Group nga motutok sa kaso sa piskal.
Giingong gikan ang biktima sa sulod sa Ayala Mall nanihapon kauban sa iyang mga higala sa wala pa banhigi sa dan Escario.
Usa sa mga saksi ang mitug-an nga ang gunman sakay sa usa ka motor nga maoy nipusil kang Castro ug sa dihang nabangga na ang yellow nga sakyanan, didto na kini giusban sa pagpusil.
Lima ka bala sa kalibre .45 ang nakuha sa Scene of the Crime Operatives (Soco) ug giingong ang tanang bala niigo gyud sa walang liog ug apapangig sa piskal.
Gihulagway ni Sanchez nga professional ang mamumuno sanglit maklaro sa agi sa pinusilan nga groupings o sikitsikit ang igo sa bala sa armas nga nagpasabot nga hingigo ang gunman.
Dali nga niresponde ang Emergency Medical Services sa Cebu City hall nga mao na usab ang nideklara nga patay na ang biktima.
Gihimakak ni Sr. Insp. Sanchez nga wala sila makahunahuna nga dalhon sa tambalanan si Castro sanglit gideklarar nga patay na sa medical team.
Gipasabot usab ni Garma nganong wala siya sa crime scene atol sa hitabo sanglit niadtong tungora nangandam na sila alang sa seguridad sa Walk with Mary nga kabahin sa kalihokan sa Sinulog.
Sa laing hain, nakugang ang maguwang ni Greco nga si kanhi provincial board member Grecilda “Gigi” Sanchez-Zaballero sa nahitabo sa iyang kanhi sister-in-law nga si Castro.
Bisan kon dili maayo ang ilang relasyon sa piskal, iyang gikasubo ang pagkamatay niini labi na kinabuhi ang nawala gikan sa pamilya niini.
“Nobody deserves to die like that. I offer my sincere condolences to her bereaved family especially her children,” padayag ni Zaballero sa text message sa Superbalita Cebu.
Samtang, gikataho nga ang lawas ni Castro gisakay na sa usa ka barko padulong sa Ozamis City aron adto ihaya sa ilang dapit sa lungsod sa Clarin, Misamis Occidental. Dugang ni SCG