HAPSAY ang pagpahigayon sa fluvial procession karong tuiga, Sabado, Enero 19.
Nilanat lang og usa ug tunga sa oras ang pagpahigayon sa fluvial procession.
Alas 6:15 hingpit nga nasugdan ang fluvial procession gikan sa Muelle wharf sa dakbayan sa Lapu-Lapu ug niabot sa Pier 1 sa dakbayan sa Sugbo alas 7:30 sa buntag.
Ang fluvial procession usa sa mga highlight sa kasaulugan sa fiesta sa balang bata, Senor Sto. Niño, gikuyogan di sa kadagkuan sa Basilica Minore Del Sto. Niño, apan lakip na si Cebu Archbishop Jose Palma.
Diha mismo sa galleon, diin gipahimutang ang imahen sa Sr. Sto. Nino ug sa Birhen sa Guadalupe, nga gidayandayanan sa mga buwak nga color yellow, red ug adunay mga ginagmay accent sa puti nga mga bulak ug panapton.
Ang maong mga color ang kasagaran nagsimbolo sa color ni Senior Sto. Niño.
Gawas sa 82 ka dagko ug gagmay nga mga sakyanang pandagat, anaa ang mga lima ka mga tawo nga gamit ang plywood sa pang-surf ug bugsay ang gisakyan aron makaduol sa galleon, diha pa lang sa kadagatan sa syudad sa Lapu-Lapu.
Hinuon wa ra kini hingpit nga nagdugay, uban na ang unom ka mga nag-jetski wa na nilahus, hangtud sa kadagatan sa dakbayan sa Sugbo.
Adunay usa sa mga nagsakay sa mga nisalmot sa fluvial procession ang daling gitabang sa mga sakop sa Navy human mahulog diha sa dagat, samtang nagpadayon ang fluvial procession.
Human giingon nga nadasmagan gamay ang gisakyang gamay nga sakyanang pandagat sa laing pumpboat.Hinuon luwas ra ang maong tawo.
Daghan gyud sa mga tawo ang buot makasinati nga makauban sa usa sa gipaabot sa kadagahanan ang fluvial.
Sama sa 22-anyos nga si Valerie Hena, higala sa usa sa mga nanarbaho sa Naval Forces of Central Visayas, nahatagan sa kahigayunan nga makasakay sa usa sa mga sakyanang pandagat sa Navy.
Siya nitug-an nga unang higayon niya karon nga makasinati nga makasakay.
Iyang paghulagway nga mas maanindot kon makakuyog ug makaduol man lang sa galleon.
“Lahi ra gyud ang feeling kon igo ra ka nga mag-atang sa baybayon or sa pier aron kakita sa fluvial procession. Maorag manlibawot ako balahibo, labi na makaduol sa galleon ang ato gisakyan, nya gikanta pa ang ‘bato balani’.. Feeling blessed na kaayo ko,” saysay niya sa Superbalita Cebu.
Bridge hawan
Samtang ang kaniadto nga taytayan sa Mandaue-Mactan bridge nga kasagarang’ puno sa mga deboto nga mag-atang sa fluvial, ang hawan ning tuiga.
Diha hinuon makita ang mga deboto, sa baybayom, sa mga tiilan sa bridge.
Napuno usab sa mga buot mosaksi fluvial ang ubang mga pantalan mapa-pribado ug pampubliko man.
Ang galleon nipaduol usab ngadto sa mga pantalan, diin daghang mga deboto ang nagpaabot. FMD