ANDAM ang probinsya sa Misamis Oriental kon ugaling masinatian ang El Niño sa 23 ka lungsod ug duha ka siyudad sa lalawigan.
Matud ni Governor Yevgeny Vincente Emano nga ang probinsya andam kanunay kon unsa nga kahimtang sa panahon ang masinati sa probinsya.
Ang buhatan sa provincial agriculture office kanunay nga nakabantay ug nakamonitor sa panahon aron dili maapektohan ang mga tinanom sa mga mag-uuma.
Matud ni Emano nga ang Misamis Oriental wala nalakip sa lugar nga posibleng makasinati sa El Niño apan aduna na silay gihimo nga mga pamaagi aron dili maapektuhan ang katawhan.
Matud niini nga ang lungsod sa Claveria nga maoy sagad ga-produce ug lagutmon, gulay ug uban pa ang dili apektado sa kainit sa panahon, ug bisan pa nga maapektohan ang 22 ka lungsod adunay Claveria nga karon pa lang daan bombahan na og binhi ug abuno.
Ang mga itanom mao kining mga bugas, mais ug uban pa nga lagutmon.
Kung maapektuhan man usab niini plano sa Department of Agriculture nga manghatag og cassava gumikan kay kini nga klase sa tanom ug lagutmon mosukol kaayo sa ting-init ug makaon sab sa katawhan.