APEKTADO ang pipila ka mga residente sa siyudad sa Iligan human adunay engkwentro tali sa New People’s Army (NPA) ug sakop sa 51st Infantry Battalion Sitio Bukana, Barangay Mainit, dakbayan sa Iligan.
Gikumpirma ni Iligan City information officer Joe Pantoja nga miabot ngadto sa 45 minutos ang pagbinayloay sa bala nga miresulta sa tulo ang kumpirmadong patay sa kampo sa walhong pundok.
Nanghikling sab dayon ang pamilya nga misaka na ngadto sa 285 ka pamilya nga karon anaa na sa mga evacuation center.
Ang local nga kagamhanan sa dakbayan sa Iligan nanghatag na usab og inisyal nga tabang sa mga apektado.