ANG mga miyembro sa Island Garden City of Samal (Igacos) City Council mikondena sa sunod-sunod nga pagpamatay sa ilang siyudad.
“The City Council decided and passed a resolution condemning the series of killings in Igacos,” sulti ni Igacos Vice Mayor Orly Amit atol sa Davao Media Forum, Sabado, Enero 19.
Si Amit hugtanong mipasa sa resulosyon sanglit bisan og adlaw mahitabo ang pagpamatay.
Kini nag-ugat sa mga kaso nila barangay captain Paulito Reyes Villaceran sa Barangay Sion, Kaputian District diin giingon ni Amit nga walay drug-related issues ang makutay ngadto kang Villaceran.
“Medyo bug-at siya kay gawas sa asawa gipusil napod nga naay anak niyang gamay kaayo nga babaye, kinsa nagsira sa pultahan, gipusil pa gyod ang bata maygani didto naigo sa doorjam,” ingon ni Amit.
Gawas kang Villaceran, daghan pa ang misunod nga nakabsan og kinabuhi sa maong siyudad.
Dugang niya, “I trust our government agencies to come up with a finding.” (Randie J. Comilang)