(Opisyal nga pamahayag ni Kong. Jonas Cortes kalabot sa pagbaligya og luna ngadto sa Ecodemcor)
1. Napahigayon ang pagbaligya sa luna sa Looc ngadto sa ECODEMCOR niadtong tuig 2015. Tungod kini kondisyon sa kontrata nga paliton ang yuta nga giabangan inig ka pupos sa termino sa abang nga nahitabo pag tuig 2013.
2. Ang kantidad nga 50 pesos kada metro quadrado gidugangan sa donasyon sa yuta nga mibalor ug 42
Milyones ka pesos. Apan ang gihatag nga mga lunà sa Ecodemcor nga apil sa ilang bayad wa gyud hisguti sa kaatbang tungod kay maklaro nga dili alkansi ang syudad Mandaue tungod niini.
3. Ang gihatag nga property sa Ecodemcor ngadto sa syudad sa Mandaue daku ug gikatabang sa Comprehen- sive Land Use Plan sa Mandaue sa tuig 2015 ug maoy makatabang unta sa pagsulbad sa traffic sa A. Soriano St. panahon sa rush hour ug maoy makahatag usab unta ug sulbad sa problema sa baha sa sa brgy. Cambaro ug Looc.
Gani giila sa kasamtangang administrasyon ang ka importante sa gihatag nga mga lunà sanglit dinhi man sa maong lugar giimplementar ang concreting ug drainage project aron himuon kini ug tarong nga dalan.Ang pagpalambo sa karsada ug ang paghimo ug drainage sa maong lugar daku ug ikatampo sa kalambuan sa maong dapit nga mulabaw pa sa kantidad sa donasyon.
4. Kining isyu sa ecodemcor napublikar sugod niadtong Mayo 2018 Brgy. Elections ug gi otro pagtuki dihang nag-ong-ong ang filing of candidacy alang sa 2019 local election. Kini nga isyu klaro ug tataw nga pamolitika nga maoy gigamit nga black propaganda sa kaatbang aron daoton ang reputasyon ni Jonas Cortes. Hinuon andam kini atubangon kung aduna man gani ipasaka nga kaso mahitungod sa pagbaligya sa luna sa Looc ngadto sa ECODEMCOR.Kini maoy nindot nga paagi aron mahibaw -an ang kamatuoran sa taga Mandaue ug mabuksas ang ilang gituyo ug sabwag nga bakak ug pasangil.
Mao kini ang gihuwat natong paagi aron ang pasangil sa atong kaatbang matubag sa insakto ngadto na sa tukma nga hukmanan.
5. Kining kaso nga gisang-at sa Mayor sibil lamang ug dili kriminal ug dili sab batok ni Jonas Cortes kon dili batok lamang sa ECODEMCOR sa tinguha nila nga ipa-walay bili ang kontrata sa pagbaligya.