WA'Y kiber ang Comedy King nga si Dolphy sa mga mibatikos kaniya tungod sa pag-endorse kang Manny Villar.

Naabot man god kang Dolphy ang chismis nga "kuwarta" ang hinungdan kung nganong gi-endorse niya si Villar.

Matud ni Dolphy, di na niya type nga suklan ang mga intriga tungod kay daghan ang nakaila kaniya ug nasayud siya nga may prinsipyo siyang tawo.

Sigun sa comedy king, di siya moapil sa politika apan andam siyang mo endorso sa mga tawong iyang gituohan.

Giklaro niya nga pareho silang gikan sa Tondo sa nahisgutang presidentiable ug kini daw ang rason kung nganong iya kining gisuportahan.

Apan aminado si Dolphy nga sa iyang pagbalhin sa TV 5, kuwarta gayud ang hinungdan. Hinuon, giklaro niyang wala siya'y nabitin nga kontrata sa ABS-CBN.