SUPERBALITA CEBU

Northern Cebu gipaubos sa signal no. 1

(Hulagway gikan sa Pagasa-Mactan)

LAKIP na ang Northern Cebu sa gipaubos sa Storm Signal No. 1.

Alas 5, Dominggo sa kaadlawon nalakip ang Northern Cebu sa Tropical Cyclone Warning Signal (TCWS) Number 1 tungod sa Tropical Depression Amang.

Lakip sa giisa sa TCWS Signal Number 1 ang Eastern Samar, Samar, Biliran, Leyte, Southern Leyte, ug Bohol.

Sa Mindanao, ang Agusan del Sur, Agusandel Norte, Surigao del Sur, Surigao del Norte, Dinagat Island, ug Camiguin ang giisa gihapon sa TCWS Signal Number 1.

Gitug-an ni Jhomer Eclarino, ang weather specialist sa Pagasa Mactan (Philippine Atmospheric, Geophysical, Astronomical Services Administration), nga mga pagtutaligsik lang ang masinati karong buntag, uban ang madag-umon nga panahon.

Apan sa hapon hangtud sa gabii, posibleng masinati na ang mga hinay ngadto sa kasarangan ug usahay kusog nga pag-ulan.

Ang bagyong Amang, nga gikan sa low pressure area sa pagsud sa nasud, hingpit nga nahimong tropical depression alas 10 Sabado sa gabii, Enero 18.

Kasamtangan anaa sa East sa Hinatuan, Surigao del Sur ang bagyo, ug nag-irog kini kasadpan amihanang kasadpan sa 25 kilometro matag takna sa Surigao del Norte. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph