NASIKOP ang asawa sa giilang big time drug pusher sa Barangay Lawaan 2, siyudad sa Talisay, sa gihimong buy-bust operation sa mga sakop sa Provincial Drug Enforcement Unit (PDEU) sa Cebu Provincial Police Office (CPPO) kagahapon, alas 9:30 Sabado sa buntag, Enero 19.
Gipangulohan ang maong operasyon ni Senior Inspector Alejandro Batobalonos sa PDEU sa CCPO.
Giila ang nasikop nga si Lita Reyes Montillano, 43, taga Phase 2, Block 8, Lot 7 Tierra Grande, Baarangay Lawaan 2, siyudad sa Talisay.
Nakuha gikan sa suspetsado ang 1.25 kilos sa gituohang shabu nga mo balor sa P8.5 Million.
Matod ni Senior Superintendent Manuel Abrugena, hepe sa kapulisan sa lalawigan sa Sugbo, nga ang bana ni Lita anaa sa bilangguan ug nagpadayon ang iyang illegal nga negosyo.
Niadtong 2016, nadakpan sa Philippine Drug Enforcement ang bana ni Lita nga si Henry nga nakuhaan usab ug daghang supply sa illegal nga drugas.
“Yung asawa niya ay nasa loob ng bilangoan siya ang tumatawag sa wife nya para sa pag dispose sa drugs, di pa natin alam kung anong grupo itong husband niya kase kahit anong piga natin ayaw niya talaga mag divulge,” matod Abrugena.
Taod taod na nga gipanid-an sa kapulisan ang illegal nga negosyo sa dinakpan human milutaw ang iyang pangalan sa mga nangasikop sa kapulisan sa nanglabay nga mga bulan.
Giila nga high-value target si Montillano nga nakuhaan sa kapin sa usa ka kilo ug ilang subayon karon kung asa gikan ang maong supply lakip na ang ilang koneksyon.