NORTHERN SAMAR -- Nagdeklara na og class suspension ang tibuok lalawigan sa Northern Samar sa adlaw’ng Lunes, Enero 21, sa private ug public schools.
Kini gumikan sa hulga sa Bagyong Amang.
Gitan-aw sa Northern Samar Provincial Disaster Risk Reduction and Management Council (PDRRMC) ang posibilidad nga apektohan ang lalawigan base sa dagan sa bagyo.
Sa panagtagbo sa PDRRMC uban sa co-chairman nga si Vice Governor Gary Lavin, gideklara ang pagsuspenso sa klase.
Gisuspenso ang klase gikan preschool, elementary ug high school kini aron mapugngan nga mabutang sa delikado ang nga bata.
Base sa latest bulletin sa Pagasa, gipaubos sa signal number 1 ang Eastern Samar, Samar, Biliran, Leyte, Southern Leyte, Eastern Bohol ug Northern Cebu.