Dear Papa Joe,
Ako diay si Felicidad, 21 anyos, usa ka minyo ug dunay usa ka anak. Nagtrabaho ko isip usa ka call center agent dinhi sa Cebu. Ang akong problema kay akong bana nga pwerting selosoha. Kon mag short kog mubo masuko. Kon mag sinina ko, masuko. Kon mag spaghetti ko masuko. Kon mamulbos ko, masuko pod siya.
Duna man unta siyay work pero insecure gyud siguro siya kay dili na man lang gani ko maka-kuyog sa akong mga amiga bisag kaon-kaon lang unta sa gawas. Unya ang dako gyud namong awayan kon mag post ko sa Facebook ug dunay kauban nga mga co-workers rapod nako.
Di man gyud na malikayan nga magsikit usahay kay picture baya. Usahay maglikay na gani kog post sa Facebook og mga picture nga dunay kaubang lalake bisag wala ragud unta pero duna man gyud mo tag nako nga mga friends. So, dakong away na dayon. Gahi kaayo siyag ulo, di gyud siya maminaw. Gikapoy na kaayo ko. Unsa may buhaton nako, Papa Joe, buwagan nalang kaha ni nako. Pero di man pod ko ganahan magdako akong anak sa usa ka broken family. Palihug tambagi ko
FELICIDAD
Dear Felicidad,
Duna gyud mga lalake nga seloso kaayo. Naay mga options para ma minimize ang pangabubho niya. Maora ra nag asthmahon ka. Para ma control nimo ang triggers sa imong asthma, molikay ka sa mga allergens nga maka trigger niini.
Mao pod ni imong buhaton, ang paglikay sa mga butang nga ikasuko sa imong bana, like dili ka magsuot og sexy kutob sa imong mahimo. Di lang sa ka magpa gwapa. Ayaw sa pang lipstick ug pamulbos, unya change ang settings sa imong FB nga way maka tag ug pics, ayaw pag post ug mga letrato nga dunay kaubang lalake. Pero og dili nimo kini mabuhat, sure kong magkagubot gyud mo permi.
Pag heart to heart talk mo ug ibutang ang Ginuo sa sentro sa inyong pagpuyo.
PAPA JOE
(sa inyong tampo ipadala sa papajoesuperb@gmail.com)