MOABOT ngadto sa 5 ka senatoriable ug 1 ka lokal nga kandidato kansang tarpaulin gitangtang sa Prevention Restoration Order Beautification Enhancement (PROBE) nga gibutang sa lugar nga maagian sa rota sa Sinulog.
Si Raquel Bohol-Arce, niila sa mga kandidato nga naa sa tarpaulin mao silang kangi PDG Ronald “Bato” dela Rosa (20 kabuok) Senador Sonny Angara(12 kabuok) Senador Koko Pimentel( 10), kanhi SAP Bong Go (1)ug ang nag-viral nga dakong tarp ni Gobernaodr Imee Marcos( 6)
Sa lokal, ang gagmay nga tarpaulin ni kanhi Mayor Michael Rama (3 kabuok)nga magpapili pagka-bise mayor sa dakbayan sa Sugbo.
Ang mga tarpaulin gitantang sa mga personnel sa Prevention Restoration Order Beautification Enhancement (Probe) nga gipangulohan ni Arce ubos sa kamanduan ni Mayor Tomas Osmeña.
Ang labing dako sa tanang tarpaulin mao kang Marcos nga gibutang didto sa eskina General Maxilom extension ug New Imus road sa barangay Carreta nga gibutang kilid sa sidewalk apan giingon nga ang pundasyon niini nasulod na sa pribadong lote.
Apan si Marcos nagpasalamat kang Osmeña.
Ang mayor nagkanayon nga dili siya gusto nga masagolan og pulitika ang kasaulogan ug kapistahan sa Balaang Bata nga si Snr. Sto.Niño karon. (PAC)