2.5-M misaksi sa Sinulog 2019: Sinas

MOABOT ngadto sa 2.5 ka milyon ka mga tawo ang nisaksi sa Sinulog grand parade karong tuiga kini ang kini ang pagbanabana ni Chief Supt. Debold Sinas, direktor sa Police Regional Office (PRO) 7, sigun sa iyang nakita sa gipangmuntar nga mga CCTV camera sa mga ruta sa Sinulog.

Mas daghan kini itandi sa milabayng tuig diin mabantayan nga nagdasok ang mga tawo nga bisan ang mga police, mga sakop sa Central Command ug mga volunteer halos dili na maka pugong sa mga tawo nga gustong mo labang.

Bisan ang hepe sa Cebu City Police Office (CCPO) Sr. Supt. Royina Garma nga maoy ground commander sa security sa Sinulog nangunay na sa pag bandlong sa mga tawo nga dili na mapugngan nga magpatunga na sa dalan.

Sa may Fuente Osmena Rotunda nagpatabang na ang CCPO og mga gwardya sa mga establisamento aron lang mabadlong ang mga tawo nga moagi sa tunga nga nakabalda na sa mga contingent.

“Among gitan-aw sa CCTV almost all areas puno kaayo ang mga tao,” matod ni Sinas.

Midagsa ang bagang duot sa mga tawo niana nang pagka hapon nga bisan sa pag bunok sa uwan wala kini maka balda.

Sa monitoring sa Advance Command Post sa Cebu City Sports Center makita nga naglisud ang crowd control personnel nga mobadlong sa mga tawo.

Dali nga mi gawas si General Sinas aron siya na mismo ang mo badlong sa mga mo labang sa karsada.

Sa kinatibuk-an gihulagway ni General Sinas nga malinawon ang Sinulog karong tuiga nga walay insidente nga natala nga may kalabotan sa kalihukan sa Sinulog.

Gawas lang sa mga nabiktima sa pick pocket nga nag tapok sa Abellana police station.

“Generally peaceful, walay stampede walay tinudlanay of course naay nag collapse siguro walay kaon sa sayo pa nya behave pud ang audience naa lay time nga kung ma lipat ang pulis ilang abusohan” dugang ni Sinas.

Adunay usa ang gidakop sa gawas sa Sport Center nga nalamigyag ID sa grandstand nga wala itugot sa Sinulog foundation.

Ang nasikop giila nga si Hanibal Soccoro nga taga barangay Ermita sa syudad sa Sugbo nga nakuhaan sa ID nga adunay marka nga complimentary nga iyang gibaligya sa tag P700.

“Ako nang pinalit nya ibaligya sad nako tag P700,” matod ni Soccoro .

Nasikop usab si Elmer Terzio 57, nga taga Dipolog City nga padung na nga manguot sa usa ka babaye nga naa sa bleacher sa grandstand.

Maayo nalang nga nakit-an kini sa pulis ug dali ning giposasan ug gidala sa holding cell sa Abellana police station 2 sa CCPO. (AYB)