P8.5-M nga shabu nasakmit

ASAWA sa giilang bigtime drug pusher sa Barangay Lawaan 2 sa siyudad sa Talisay ang nasikop sa buy-bust operation sa mga sakop sa Provincial Drug Enforcement Unit (PDEU) sa Cebu Provincial Police Office (CPPO) nga gipangulohan ni Sr. Insp. Alejandro Batobalonos kagahapon, Enero 20.

Nasikop mao si Lita Reyes Montillano, 43, taga Phase 2, Block 8, Lot 7 Tierra Grande barangay Lawaan 2 Talisay.

Nakuha gikan kaniya ang 1.25 kilos sa gituohang shabu nga mobalor ang tanan sa P8.5 milyunes.

Matod ni Sr. Supt. Manuel Abrugena, direktor sa CPPO, ang bana ni Lita naa kini sa bilangoan ug nagpadayon ang iyang ilegal nga negosyo.

Niadtong 2016 nadakpan sa Philippine Drug Enforcement Agencu (PDEA) ang bana ni Lita nga si Henry nga nakuhaan usab og daghang sa ilegal nga drugas.

"Yung asawa nya ay nasa loob ng bilangoan sya yung tumatawag sa wife nya para sa pag dispose sa drugs, di pa natin alam kung anong grupo itong husband nya kase kahit anong piga natin ayaw nya talaga mag divulge,” matod ni Sr. Supt. Manuel Abrugena.

Taudtaod na nga gipanid-an sa kapulisan ang ilegal nga negosyo sa dinakpan human milutaw ang iyang pangalan sa mga nangasikop sa kapulisan sa nanglabay nga mga bulan.

Giila nga high value target (HVT) si Montillano nga nakuhaan sa kapin sa us aka kilo ug ilang subayon karon kung asa gikan ang maong supply lakip na ang ilang koneksyon.

Gituohan sa Director sa Police Regional Office (PRO) 7 Chief Supt. Debold Sinas nga ang drugas nga nakuha sa PIB atol sa pags sa search warrant batok kang Montillano alang kadto sa Sinulog.

Matod niya nga maayo nalang nga ang kapulisan sa probinsya nakakuha dayon og search warrant sa korte human masayod nga naabot ang supply sa drugas sa dinakpan.

“Para gyud to sa Sinulog nga drugs to kung wala pa to ma kuha sa atong mga pulis, maayo gani nga na-detect ug nakuha,” matod ni Sinas.

Aduna pay dakong follow up operation ang himuon sa kapulisan kung makompleto na ang pagsubay sa mga link sa dinakpan. (B)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph