DEAR Heartline,
Maayong adlaw sa inyong tanan. Share lang nako ni akong experience sa love. Sakit kaayo lalo na nga seven years sab mi pero nahulog lang gyud sa wala ang tanan. Ako si Jelai, usa ka tomboy. Naa koy karelasyon nga babae ug nag-ipon nami. Naa mi mga away-away pero ma-settle ra man sab.
Pero miabot ang time nga nausab siya nako. Dili na siya sweet dili parehas sa una.
Hangtud sa akong nasakpan nga may lain na siya, lalaki na.
Sakit kaayo ang iyang gihimo kay mikalit ra gyud siyag kausab nga wala man unta koy nahimo nga sala.
Karon wala na mi. Gusto ko maka-move on na ug kalimtan ang tanang bad experience sa iyaha. Alang sa tanan, kinsa man ang inyong karelasyon tarunga ninyo, ayaw mo pagbinuang.
Jelai
*****
Hello Jelai,
Daghang salamat sa pagshare sa imong story. I felt bad nga ingon ana ang nahitabo kanimo ug sa relasyong gipangga nimo og pito ka tuig.
Ning kalibutan wa gyuy kasiguruhan, tanan may kausaban, bisan ang relasyon nato ngadto sa tawong atong gipangga.
Sakit man kaayo ang imong kasinatian, it still best na you will learn to let go and forgive sa nahitabo.
Ayaw dali-dalia ang proseso sa pagpasaylo, tungod process man ang pagkab-ot niini.
Sa pagkakaron, continue to live sa imong kinabuhi. Ayaw pasagdihi ug iduot pa ang imong kaugalingon sa kagul-anan.
Be happy, nga nakalingkawas ka sa tawong nagbinuang kanimo, luyo sa tawhay ug matinud-anon nimong pagmahal ngadto niya.
Ipadayon ang pag-ampo alang sa total healing sa imong kinatibuk-ang pagkatawo.
Heartline