Davao Region naka-full alert sa plebisito sa BOL

NAKA-FULL alert status ang seguridad sa Davao Region atol sa pagpahigayon sa plebisito sa Bangsamoro Organic Law (BOL) didto sa Autonomous Region in Muslim Mindanao (Armm), adlaw’ng Lunes, Enero 21.

Mismong si Chief Supt. Marcelo Morales Police Regional Office (PRO) Davao director, ang nagmandu nga sa mga istasyon sa kapulisan sa rehiyon nga kinahanglan anaa ang hugot nga seguridad.

Sumala ni Marcelo nga mas maayong andam ang Davao Region basin unya diri managan ang pipila kung dunay kagubot nga mahitabo sa Armm sa maong plebisito.

Apan dako ang pagtuo sa opisyal nga malinawon ang maong plebisito sanglit anaa ang daghang puwersa sa kasundalohan ug kapulisan sa dapit.

Sama sa naandam nga alert status, kinahanglan anaa ang presensya sa kapulisan sa mga dapit nga ginadugok sa katawhan sama sa mall, simbahan, mga parke, terminal, airport, palengke ug mga beach resorts.

Mas nanegurong daan ang Davao Region ug nanghinaut nga malinawon ang pagsalmot sa dul-an 2. 8 milyones nga mga residente sa ARMM sa pagboto nila karong adlawa.

Unsa man ang mamahimong resulta niini, makaapekto gihapon sa rehiyon onse isip kabahin sa isla sa Mindanao. (Richy F. Nalagon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph