MAMASAPANO, Maguindanao -- Patay ang mag-amahan human sa natigayong pagpamanhig alas 10:45 sa buntag niadtong Sabado, Enero 19, sa probinsiya sa Maguindanao.
Giila ang mga nakabsan sa kinabuhi nga sila Alimudin Bansuan, 41, minyo, Barangay Kagawad ug iyang anak nga si Gaga Bansuan, 11, nagpuyo sa Barangay Rosary Heights 3, Cotabato City.
Gibutyag ni Maguindanao Police Provincial Director Senior Superintendent Magzsali Mukaram nga samtang sakay ang mga biktima sa sedan car gikan sa Barangay Libutan Mamasapano paingon sa Cotabato City, apan pag-abot nila sa Barangay Dabenayan, Mamasapano kalit silang gipabuthan sa mga armadong kalalakin-an gamit ang M16 Armalite rifles.
Abtik sab nga miikyas ang mga suspetsado paingon sa SPMS box nga sakop sa Mamasapano.
Patay on the spot ang mga biktima nga natusak-tusak sa bala sa nagkadaiyang parte sa ilang kalawasan.
Gibatikos sab sa mga Muslim ug Christian Religious Group ang pagpamanhig sa mga biktima gumikan naangin ang menor de edad nga anak sa gipatay nga kagawad.
Rido o dumot sa pamilya ang gilantaw sa mga awtoridad nga motibo sa pagpamanhig sa mag-amahan.