SECTIONS
Thursday, July 18, 2019
SUPERBALITA CEBU

Consolacion mapasalamaton sa kadaugan

Sinulog-consolacion

PUNO sa pasalamat ang lokal nga kagamhanan sa lungsod sa Consolacion human naangkon sa ilang contingent nga Tribu Malipayon ang kampeyonato sa Sinulog-based category sa Sinulog ritual showdown 2019.

Una kining higayon nga nisalmot sa Sinulog grand parade ang LGU agi usab ug pasalamat sa mga naangkon nila nga kalampusan sa miaging tuig.

Nipadayag ug dakong kalipay si Consolacion Mayor Teresa “Nene” Alegado sa pag-kampeyon sa ilang contingent nga gipadala sa Sinulog-based category sa Sinulog ritual showdown 2019.

Ang Tribu Malipayon unang nilangkat sa 3rd place sa Sinulog sa Kabataan sa Lalawigan niadtong Enero 12.

Gilangkuban kini sa mga tinun-ang dancer gikan sa Pulpogan National Highschool, Consolacion National Highschool ug Tayud National Highschool sa maong lungsod ug mga propsmen nga sakop sa Alpha Kappa Rho Consolacion Chapter.

Wala magdahum si Alegado nga maangkon nila ang first place sa kompetisyon ug matod niya, igo lang sila nga nihalad ngadto sa Balaang Bata tungod sa daghang achievements nga naangkon sa ilang dapit sa miaging tuig.

Sa tuig 2018, ikatulo ang Consolacion sa tibuok nasud nga dunay best police station, number one sa tibuok Central Visayas sa economic competitiveness ug nag-una sab sa tanang dapit sa probinsiya sa Sugbo sa taas nga revenue collection.

“Nakahilak ko kay halad ra man gud ‘tong amo. Halad pasalamat but we tried our best, what we can do to the best of our ability. Nakahilak ko ba kay daghan kaayong nitabang ba,” niingon si Alegado.

Nigasto ug dili momenus P8 milyones ang Consolacion LGU sa duha ka buwan nila nga pagpangandam alang sa Sinulog.

Nagpasalamat si Alegado sa tanang nakatampo sa ilang kadaugan, ilabi na ang mga dancer, propsmen, instrumentalists ug ang ilang mga ginikanan.

Nidaog ug P1 million ang grupo sa pagkampeyon sa Sinulog-based category ug laing P200 thousand sa pag-angkon niini sa best in costume ug best in musicality special awards.

Sa pagka-karon, gusto una ni Alegado nga tagamtamon sa ilang lungsod ang ilang kadaugan ug wala pa sila’y tataw nga plano alang sa Sinulog sa sunod tuig.

“Ang Ginoo ra gyud amo’ng agdon kay mopa-ubaybay gani ta ug sige’g pangaliya, giyahan ra ta,” padayag sa mayor.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph