NAGPAHIMANGNO ang tinugyanan sa Commission on election (Comelec) sa mga botante nga angayang pilion ang tarong ug maligdong nga kandidato nga magpapili karong umaabot nga eleksyon.
Gibutyag ni Atty. Renato Magbutay, Regional Election Director sa Comelec-Northern Mindanao, atol sa pagsugod sa election period kung unsa ka importante ang papel sa katawhan diha sa pagpili og kandidato sa adlaw sa eleksiyon.
Giingong anaa sa mga kamot sa botante kung kinsa ang ibutang sa usa ka posisyon hinungdan nga angayang pili-on ang angayan ug tarong nga kandidato.
“A reminder to our voters nga in election day it is a very special day for you, it is the very day nga kamo ray mao’y hari, ang kaugmaon sa kandidato naa sa inyong mga kamot, so please choose wisely on election day” matud ni Magbutay
Giingong ang mga botante ang duna’y katungod nga maghatag og pribilihiyo sa mga kandidato nga magserbisyo.
Gidugang pa niini nga ang dakong obligasyon sa Comelec nga maproteksiyunan ang mga botante gikan sa mga pagpanghulga ug intimidasyon.
“The rule of the Comelec precisely is to protect the voters, from harassment, from intimidation, that’s why we call on the military and the PNP to all the security preparations,” dugang ni Magbutay. (KCS)