MALINAWON ang probinsya sa Misamis Oriental ug walay rason nga malakip kini sa listahan sa “election hotspot” diin nalakip ang siyudad sa Cagayan de Oro.
“Wala tayong hotspot sa province based sa pinapalabas na lists ng Comelec,”matud ni Police Senior Superintendent Rolando Destura, provincial director sa Misamis Oriental Provincial Police Office.
Dugang niini nga malinawon ang probinsya ug walay mga natalang mga pagpanghulga ug mga kriminalidad nga adunay kalambigitan sa eleksyon.
Kung ang usa ka pulitiko nagkinahanglan og body guard kinahanglan kining moaplay sa kaulohan sa Commission on Elections ug ipasabot kon unsa nga mga pagpanghulga ilang mga nadawat.
Ang kapulisan lamang maoy mosuta kon aduna ba kini kamatuoran nga report kung tinoud ba nga dunay mga hulga sa usa ka pulitiko.
Dugang sab niini nga iyang gihangyo ang mga pulitiko nga mosango kanila inkaso adunay mga walhong grupo nga mangayo og tabang ug suporta, labina ilang gidiskorahe nga dili kini sila pasuportahan aron moabot ang panahon nga ilang kalimtan ang giyera sa kabukiran ug mobalik sa sabakan sa gobyerno.