SECTIONS
Monday, August 19, 2019
SUPERBALITA CEBU

Tambagi Ko, Noy Kulas: Gisamok

DEAR Noy Kulas,

Tagoa lang ko sa ngan nga Rea, 21 years old. Kining akong problema mahitungod ni sa amahan sa akong anak karon. Di siya ordinary nga relationship kay 65 years old ang amahan ug dunay mga anak. Nagkauyab mi niya kay biyudo ning lalake ug akong gisugot kay pinangga kaayo ko niya until dunay nahitabo namong duha. Moangkon ko nga love nako siya bisan maora siya og lolo ra nako og edad. Sala ba diay kon ma in love ang babaye sa lalake nga dako kaayo og edad?

Ang iyang mga anak supak sa among relationship. Samot na dihang nimabdos ko ug siya ang akong gitudlo nga amahan. Nasuko kaayo ang akong parents nako pero siya nakig-talk nila. Nikalma sila kay siya ang nipasalig nga mogasto tanan ug mosustento sa bata. Pero ang iyang mga anak nangasuko, gustong ipa-DNA ang bata. Pero nasuko ko og maayo kay it’s an insult. Unsa may pagtuo nila nagpagamit ko og laing lalake?

Noy, unsa may akong buhaton sa situation karon? Maluoy ko magtan-aw sa among anak nga gamay pa, kontrobersyal na, giestoryahan na sa mga tawo. It hurts me a lot knowing nga wa siyay labot aning akong nasudlan karon. Please tambag ko.

REA

Rea,

Kon ang amahan nibarog nga maoy amahan, ayaw na lang panumbalinga ang sulti sa mga anak. Ang importante nga ang amahan nagtuo nga siya ang amahan. Kay kon imong sakyan ang ilang estorya dayon, magtuo silang mahadlok ka. But, ipa-DNA test ninyo sa amahan nga hilom lang kon uyon siya. Medyo mogasto gyud mo ug kana kon dunay ikasarang ang amahan paggasto. Di ikaw maoy mogasto niini.

Sa ako nang giingon, if limpyo ang imong konsensya, ayaw sakyi ang ilang mga estorya. Kay gitumong na aron ka maglagot ug magkabuwag mo sa ilang amahan. Natural ra baya na sa mga anak nga mo-react, mangigi, kay mga anak sila. Naay nangigi tungod kay di sila gustong masapawan ang memory sa ilang inahan. Naay uban magduha-duha ug magduda sa katuyoan. Wa sila makahibawo nga sa gugma, ang tanan posible.<>

NOY KULAS

Alang sa imong problema, e-mail sa kulassuper@sunstar.com.ph ug rojval69@yahoo.com


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph