MAO diay ngilngig mokanta si Yessha de la Calzada, ang na-best interpreter sa 39th Cebu Pop Music Festival, kay grand winner diay to siya sa Promil Kid for performing arts pag-2015.
Niingon si Maestro Obette del Rosario nga kauban nakong nag-judge niadtong gabhiona sa Cebu Pop nga si Yessha na-featured na sa TV commercial sa Promil Kid kauban si Ryan Cayabyab.
Ang 9-anyos nga si Yessha nahimo sad nga semi-finalist sa The Voice Kids Season 3 sa ABS-CBN pag-2016.
SHEENA
Usa sa mga guest sa Cebu Pop niadtong Biyernes ang 12-anyos ug Kapamilya star nga si Sheena Belarmino.
Iyang gikanta ang iyang winning piece sa miaging tuig nga “Sugboanon Ko” ug nikanta sad siyag medley hits ni Adele.
Naabtan nako si Sheena sa dressing room nga nagdalidali nag hipos human siya nikanta kay mobalik kuno dayon siyag Manila pagkakadlawon kay duna pa silay rehearsal sa ASAP.
“UNSAY BILI?”
Guest sad ang wa gyud mausab ug chika lang gihapon nga si Ms. Anna Marie Fegi. Iya kong gipangitaan sa kantang “Unsay Bili?” nga maoy iyang nadag-an nga best interpreter sa Cebu Pop niadtong 1997.
Asa na bitaw to akong kopya ana ha!? Akong suwayan si Ms. Girlie Lapinid-Las Pinas inig balik niya sa Cebu basin naa pa sila’y kopya sa Mutya. Atong suportahan si Ms. Girlie nga nikombati karon sa semi-finals sa Tawag ng Tanghalan sa It’s Showtime.
KAPUSO STARS
Mas daghan rong tuiga ang nisalmot sa Sinulog ug mas daghan sad ang mga artista. Di sad ka kaingon nga mas daghan og fans si Coco Martin kay jampacked man sad ang Grand Kapuso Mall shows sa “Cain at Abel” nilang Dingdong Dantes, Dennis Trillo, Sanya Lopez ug Solenn Heussaff sa Gaisano Tabunok ug sa Robinsons Galleria.
Apan si Dennis Trillo kay wa tubaga ang akong pangutana sa kontrobersiya niya sa GMA ug kon tinuod ba gyung na-hack ang iyang social media account. Pero human sa presscon niduol siya nako ug nag-sorry.
Dili na lang sad ko mo-elaborate kon unsa to nga isyu pero kaming mga taga-entertainment press nidayeg mi ni Dennis kay kahibawo siya how to say no to a question without offending the feeling of the writer. Laysho!
HAPPY B’DAY!
Makabungog sad ang kalampusan sa Kapuso fiesta sa cast sa “Kara-Mia” starring Barbie Forteza ug Mika dela Cruz with Paul Salas ug ang real-life boyfriend ni Barbie nga si Jak Roberto ug ang cast sa “Inagaw na Bituin” nga silang Kyline Alcantara ug Therese Malvar.
Salamat sa malampusong selebrasyon sa Sinulog ug sa tanang blessings nga atong nadawat labi na sa mga nag-birthday karong adlawa. Viva Pit Senyor kang AC kini!:)