SECTIONS
Friday, April 19, 2019
SUPERBALITA CEBU

Saksi: Hustisya kang Piskal Castro

SAMA sa ubang mga pagpamatay sa mga high profile personalities nga hangtod karon wala mahatagi og kasulbaran, nagduda usab ako nga mapareha ang brutal nga kamatayon ni kanhi Cebu City Assistant Prosecutor Mary Ann Castro. Matod sa panultihon sa mga bugoy, “mahulog ra sa bung-aw, dayon katunaw” kining kasoha. Gani hangtod karon wala pa maka-establisar ang mga imbestigador kon unsa ang motibo sa pagpusil-patay sa kontrobersiyal nga piskal.

Si Castro gipusil-patay niadtong Huwbes sa gabii sa dalan Escario ning dakbayan. Gikan siya sa Ayala mall nanihapon uban sa iyang mga higala ug mopauli na unta sa panimalay sa Talisay City sa dihang nahitabo ang pagpang-ambush. Matod pa nga ang nag-inusarang mamumuno nagsakay og motorsiklo ug kalit nga mipaarak sa iyang armas. Daghang mga anggulo ang gisubay karon sa kapulisan. Apil na niini ang iyang propisyon, kalambigitan sa illegal nga drugas ug bisan man gani ang lovelife. Nabalhin si Castro didto sa Masbate pipila ka tuig na ang nakalabay. Basin duna siyay gikabangga didto sa Masbate. Aduna usab siyay mga suod nga nahilambigit sa illegal drugs sama nila ni kanhi Albuera, Leyte Mayor Rolando Espinosa Sr., amahan sa gi-ila nga druglord Kerwin Espinosa ug ni kanhi Ronda Vice Mayor Atty. Johnna John Ungab. Naka-relasyon usab si Castro og ang kontrobersiyal nga policeman, SPO2 Adonis Dumpit, kinsa napatay sa mga elemento sa NBI ug kapulisan didto sa Tagbilaran, Bohol sa miaging tuig. .

Annulled na ang kaminyuon niya ngadto ni Rocky Roa sa dihang nahilambigit siya sa pipila ka mga lalaki. Na-kontrobersiyal ang iyang relasyon ni Zandro Agusto, usa ka cellular technician. Nakigminyo siya ni Greco Sanchez, anak ni anhing vice governor Greg Sanchez, sa seremonyas sa Muslim. Nahimong kontrobersiyal ang ilang relasyon kay nangangkon naman dayon si Castro sa mga kabtangan sa mga Sanchez. Nagbuwag gyud sila og na-anular usab ang ilang kasal.

Ang pangalang Mary Ann Castro gikaluhaan na sa mga kontrobersiya. Mahatagan kaha og hustisya ang iyang brutal nga kamatayon? Hinaot unta. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!